ഫോട്ടോ: സരുൺ മാത്യു
1. തക്കാളി – നാല്
2. പരിപ്പ് വേവിച്ച വെള്ളം – അര ലീറ്റർ
3. വാളൻപുളി – ഒരു നാരങ്ങ വലുപ്പത്തിൽ
4. കുരുമുളക് – ഒരു ചെറിയ സ്പൂൺ
ജീരകം – അര ചെറിയ സ്പൂൺ
വെളുത്തുള്ളി – മൂന്ന് അല്ലി
ചുവന്നുള്ളി – മൂന്ന്
പച്ചമുളക് – മൂന്ന്
5. വെളിച്ചെണ്ണ – ഒരു വലിയ സ്പൂൺ
6. കടുക് – അര ചെറിയ സ്പൂൺ
വറ്റൽമുളക് – രണ്ട്, കഷണങ്ങളാക്കിയത്
കറിവേപ്പില – ഒരു തണ്ട്
7. തൊണ്ടൻമുളക് – മൂന്ന്, നീളത്തിൽ മുറിച്ചത്
ഉപ്പ് – പാകത്തിന്
മഞ്ഞൾപ്പൊടി – ഒരു നുള്ള്
മുളകുപൊടി – കാൽ ചെറിയ സ്പൂൺ
മല്ലിപ്പൊടി – കാൽ ചെറിയ സ്പൂൺ
കായംപൊടി – കാൽ ചെറിയ സ്പൂൺ
8. മല്ലിയില – ഒരു പിടി, അരിഞ്ഞത്
9. നാരങ്ങാനീര് – ഒരു നാരങ്ങയുടേത്
പാകം െചയ്യുന്ന വിധം
∙ തക്കാളി കൈകൊണ്ടു നന്നായി ഉടച്ചു വയ്ക്കുക
∙ സാമ്പാറിനുള്ള പരിപ്പ് വേവിച്ച വെള്ളം എടുത്തു വയ്ക്കുക. പുളി കുതിർത്തു പിഴിഞ്ഞു വയ്ക്കുക.
∙ നാലാമത്തെ ചേരുവ ചതച്ചു വയ്ക്കണം.
∙ വെളിച്ചെണ്ണ ചൂടാക്കി ആറാമത്തെ ചേരുവ മൂപ്പിച്ച ശേഷം ചതച്ച കൂട്ടു ചേർത്തു നന്നായി വഴറ്റുക.
∙ ഇതിലേക്കു തക്കാളി ഉടച്ചതും പരിപ്പു വേവിച്ച വെള്ളവും പുളി പിഴിഞ്ഞ വെള്ളവും ഏഴാമത്തെ ചേരുവയും ചേർത്തിളക്കി തിളപ്പിക്കുക.
∙ മല്ലിയിലയും ചേർത്തിളക്കി വാങ്ങി നാരങ്ങാനീരു ചേർത്തു യോജിപ്പിച്ചു വിളമ്പാം.
