ഗ്രിൽഡ് പൈനാപ്പിൾ
1. ഒലിവ് ഓയിൽ – പാകത്തിന്
2. പൈനാപ്പിൾ തൊലിയും കൂഞ്ഞിലും കളഞ്ഞ് അരയിഞ്ചു കനത്തിൽ വട്ടത്തിൽ മുറിച്ചത് കഷണങ്ങളാക്കിത് – എട്ടു സ്ലൈസ്
3. മാസ്കർപോൺ ചീസ് – അരക്കപ്പ്, തണുപ്പു മാറ്റിയത്
വനില എക്സ്ട്രാക്ട് – അര ചെറിയ സ്പൂൺ
4. ന്യൂട്ടെല്ല – അരക്കപ്പ്
വിപ്പിങ് ക്രീം – അരക്കപ്പ്
5. ബദാം/ഹേസൽനട്ട്, വറുത്തു പൊടിയായി അരിഞ്ഞത് – അരക്കപ്പ്
പാകം ചെയ്യുന്ന വിധം
∙ ഗ്രിൽപാൻ ഇടത്തരം തീയിൽ വച്ചു ചൂടാക്കുക. ഒലിവെണ്ണ പുരട്ടി, പൈനാപ്പിൾ കഷണങ്ങൾ നിരത്തുക. ഓരോ സൈഡും മൂന്നു മിനിറ്റ് വീതം ഗ്രിൽ ചെയ്യണം. കഷണങ്ങൾ ചൂടായി ബ്രൗൺ നിറമായിത്തുടങ്ങുന്നതാണു കണക്ക്.
∙ പൈനാപ്പിൾ കഷണങ്ങൾ പാകമായാലും ഗ്രിൽ പാനിൽ തന്നെ അൽപസമയം കൂടി വയ്ക്കുക. ഗ്രിൽ ചെയ്ത പാടുകൾ വരാൻ വേണ്ടിയാണിത്.
∙ ഗ്രിൽ ചെയ്യുന്ന സമയത്തു മറ്റൊരു ബൗളിൽ മൂന്നാമത്തെ ചേരുവ ചേർത്തടിച്ചു യോജിപ്പിച്ചു വയ്ക്കാം.
∙ ഒരു ചെറിയ സോസ്പാനിൽ നാലാമത്തെ ചേരുവ യോജിപ്പിച്ചു ചെറുതീയിൽ വച്ചു ചൂടാക്കുക. മയം വന്നു തിളക്കമുള്ളതാകുമ്പോൾ വാങ്ങിവയ്ക്കുക.
∙ വിളമ്പാനുള്ള പാത്രത്തിൽ ഗ്രിൽ ചെയ്ത പൈനാപ്പിൾ കഷണങ്ങൾ വച്ചു ചോക്ലേറ്റ് മിശ്രിതം ചെറുചൂടോടെ മുകളിൽ ഒഴിക്കുക.
∙ ഓരോ പൈനാപ്പിൾ റിങ്ങിനു മുകളിലും ഒാരോ വലിയ സ്പൂ ൺ മാസ്കർപോൺ ചീസ് മിശ്രിതം വച്ചു, ബദാം അല്ലെങ്കിൽ ഹേസൽ നട്ട് കൊണ്ട് അലങ്കരിച്ചു വിളമ്പാം
പൈനാപ്പിൾ സ്വീറ്റ് പൊട്ടേറ്റൊ സൂപ്പ്
1. എക്സട്രാ െവർജിൻ ഒലിവ് ഓയിൽ – രണ്ടു വലിയ സ്പൂൺ
2. സവാള – ഒരു ഇടത്തരം, പൊടിയായി അരിഞ്ഞത്
വെളുത്തുള്ളി – രണ്ട് അല്ലി, പൊടിയായി അരിഞ്ഞത്
3. മധുരക്കിഴങ്ങ് – രണ്ട് ഇടത്തരം, ചതുരക്കഷണങ്ങളാക്കിയത്
പൈനാപ്പിൾ, തൊലി കളഞ്ഞു ചതുരക്കഷണങ്ങളാക്കിയത് – ഒരു കപ്പ്
4. വെള്ളം – നാലു കപ്പ്
ഉപ്പ് – പാകത്തിന്
കുരുമുളകുപൊടി – ഒരു ചെറിയ സ്പൂൺ
സേജ് ലീവ്സ് – ഒരു ചെറിയ സ്പൂൺ
ജാതിക്ക പൊടിച്ചത് – കാൽ ചെറിയ സ്പൂൺ
5. കശുവണ്ടിപ്പരിപ്പു നുറുക്കി വറുത്തത് – രണ്ടു വലിയ സ്പൂൺ
പാകം ചെയ്യുന്ന വിധം
∙ ചുവടു കട്ടിയുള്ള പാത്രത്തിൽ ഒലിവ് ഓയിൽ ചൂടാക്കി രണ്ടാമത്തെ ചേരുവ ചേർത്തു ചെറുതീയിൽ വച്ചു വഴറ്റുക.
∙ ഇതിൽ മൂന്നാമത്തെ ചേരുവ ചേർത്ത് അൽപസമയം കൂടി വഴറ്റിയശേഷം നാലാമത്തെ ചേരുവ ചേർത്തു തിളപ്പിക്കുക.
∙ മധുരക്കിഴങ്ങു മൃദുവാകുംവരെ ചെറുതീയിൽ ഏകദേശം 15–20 മിനിറ്റ് വേവിക്കണം. അടുപ്പിൽ നിന്നു വാങ്ങി ഇതു മിക്സിയിൽ അരച്ചു തിരികെ പാനിലാക്കി അടുപ്പത്തു വച്ചു ചെറുതീയിൽ ചൂടാക്കുക. ഉപ്പും എരിവും പാകത്തിനാക്കി കശുവണ്ടിപ്പരിപ്പുകൊണ്ട് അലങ്കരിച്ചു വിളമ്പാം
∙ ചൂടോടെയോ തണുപ്പിച്ചോ വിളമ്പാം.
പാചകക്കുറിപ്പുകൾക്കു കടപ്പാട്: ദുർഗ ചെല്ലാറാം