1. ഉരുളക്കിഴങ്ങ് – അരക്കിലോ
2. എണ്ണ – രണ്ടു വലിയ സ്പൂൺ
3. സവാള കനം കുറച്ചു നീളത്തിലരിഞ്ഞത് – അരക്കപ്പ്
ഇഞ്ചി പൊടിയായി അരിഞ്ഞത് – ഒരു വലിയ സ്പൂൺ
പച്ചമുളക് വട്ടത്തിൽ കനം കുറച്ച് അരിഞ്ഞത് – ഒരു വലിയ സ്പൂൺ
കറിവേപ്പില – ഒരു തണ്ട്, അരിഞ്ഞത്
മഞ്ഞള്പ്പൊടി – കാൽ ചെറിയ സ്പൂൺ
4. ഉപ്പ് – പാകത്തിന്
5. ഉണക്കമീൻ – 100 ഗ്രാം, മുള്ളില്ലാതെ
6. എണ്ണ – പാകത്തിന്
7. ചുവന്നുള്ളി – അരക്കപ്പ്
പച്ചമുളക് – 10
8. മുട്ട – രണ്ട്, അടിച്ചത്
9. റവ – അരക്കപ്പ്
പാകം ചെയ്യുന്ന വിധം
∙ ഉരുളക്കിഴങ്ങ് പുഴുങ്ങിപ്പൊടിച്ചു വയ്ക്കുക.
∙ പാനിൽ എണ്ണ ചൂടാക്കി മൂന്നാമത്തെ ചേരുവ വഴറ്റണം.
∙ ഇതില് ഉപ്പു ചേർത്ത ശേഷം ഉരുളക്കിഴങ്ങു ചേർത്തു ന ന്നായി വഴറ്റി മാറ്റി വയ്ക്കണം.
∙ ഉണക്കമീൻ നന്നായി കഴുകി വെള്ളം വാലൻ വയ്ക്കുക.
∙ ചട്ടിയിൽ എണ്ണ ചൂടാക്കി ഉണക്കമീൻ വറുത്തെടുക്കുക. നന്നായി മൊരിഞ്ഞു വരുമ്പോൾ വാങ്ങി ചുവന്നുള്ളിയും പച്ചമുളകും ചേര്ത്തു നന്നായി ചതച്ചു യോജിപ്പിക്കുക. ആവശ്യമെങ്കിൽ ഉപ്പു ചേർക്കാം.
∙ ഉരുളക്കിഴങ്ങു മിശ്രിതം നാരങ്ങാവലുപ്പത്തിലുള്ള ഉരുളകളാക്കി നടുക്ക് ചെറിയൊരു കുഴിയുണ്ടാക്കി അതിൽ ഉണക്കമീൻ മിശ്രിതം നിറയ്ക്കുക. അരികുകൾ കൂട്ടി യോജിപ്പിച്ച് വീണ്ടും ഉരുട്ടിയെടുക്കണം.
∙ ഇതു മുട്ടയടിച്ചതിൽ മുക്കി റവയില് പൊതിഞ്ഞു ചൂടായ എണ്ണയിൽ ബ്രൗൺ നിറത്തിൽ വറുത്തു കോരാം