1. ഒലിവ് ഓയിൽ – രണ്ടു വലിയ സ്പൂൺ
2. സവാള – ഒന്ന്, അരിഞ്ഞത്
വെളുത്തുള്ളി – നാല്, പൊടിയായി അരിഞ്ഞത്
3. കാരറ്റ് – 100 ഗ്രാം, പൊടിയായി അരിഞ്ഞത്
തക്കാളി – ഒന്ന്, പൊടിയായി അരിഞ്ഞത്
4. മീനിന്റെ തലയും വാലും മുള്ളും – ഒന്നരക്കിലോ
5. വെള്ളം – രണ്ടു ലീറ്റർ
ഉപ്പ്, കുരുമുളകുപൊടി – പാകത്തിന്
6. വെർമിസെല്ലി – 130 ഗ്രാം
7. ചെമ്മീൻ – 200 ഗ്രാം
പാകം െചയ്യുന്ന വിധം
∙ എണ്ണ ചൂടാക്കി സവാളയും വെളുത്തുള്ളിയും വഴറ്റിയ ശേ ഷം കാരറ്റും തക്കാളിയും ചേർത്തു നന്നായി വഴറ്റുക.
∙ ഇതിലേക്കു മീനും ചേർത്തു നല്ല തീയിൽ വച്ചു തിളപ്പിക്കുക. പച്ചക്കറികൾ വെന്തുടയുന്നതാണു പാകം.
∙ ഇതിലേക്കു വെള്ളവും ഉപ്പും കുരുമുളകുപൊടിയും ചേർത്തിളക്കി തിളപ്പിക്കണം.
∙ തിളയ്ക്കുമ്പോൾ മുകളിൽ പൊങ്ങി വരുന്ന പത നീക്കം ചെയ്യണം. 20 മിനിറ്റ് ചെറുതീയിൽ വച്ചു തിളപ്പിക്കുക. ഇതാണ് ഫിഷ് സ്റ്റോക്ക്.
∙ വെർമിസെല്ലി കൈകൊണ്ടു പൊടിച്ചു എണ്ണയില്ലാതെ വ റുക്കുക. ഗോൾഡൻ നിറമാകണം. വറുത്ത വെർമിസെല്ലി ചെറിയ ബൗളിലേക്കു മാറ്റി ചൂടാറാന് വയ്ക്കണം.
∙ തിളപ്പിച്ച ഫിഷ് സ്റ്റോക്ക് അരിച്ചെടുക്കണം.
∙ ഇതു വീണ്ടും അടുപ്പത്തു വച്ച് 10–12 മിനിറ്റ് തിളപ്പിക്കുക.
∙ അൽപം വറ്റിയ ശേഷം ചെമ്മീൻ ചേർത്തിളക്കുക. വെന്ത ശേഷം വെർമിസെല്ലി വറുത്തതു ചേർത്തിളക്കുക. ഉപ്പും എരിവും പാകത്തിനാക്കി ചെറുതീയിൽ വച്ച് അഞ്ചു മിനിറ്റ് തിളപ്പിക്കുക. വെർമിസെല്ലി വേവുന്നതാണു പാകം.
∙ ബ്രെഡ് ടോസ്റ്റിനൊപ്പം വിളമ്പാം.