ചെമ്മീൻ മസാല
1.ചെമ്മീൻ – ഒരു കിലോ
2.മുളകുപൊടി – അര വലിയ സ്പൂൺ
കശ്മീരി മുളകുപൊടി – ഒന്ന വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
3.വെളിച്ചെണ്ണ – നാലു വലിയ സ്പൂൺ
4.കടുക് – ഒരു ചെറിയ സ്പൂൺ
ഉലുവ – കാൽ ചെറിയ സ്പൂൺ
5.ചുവന്നുള്ളി അരിഞ്ഞത് – ഒരു കപ്പ്
6.ഇഞ്ചി – ഒരിഞ്ചു കഷണം, പൊടിയായി അരിഞ്ഞത്
വെളുത്തുള്ളി – എട്ട് അല്ലി, പൊടിയായി അരിഞ്ഞത്
7.മഞ്ഞൾപ്പൊടി – അര ചെറിയ സ്പൂൺ
കായംപൊടി – കാൽ ചെറിയ സ്പൂൺ
8.ഉപ്പ് – പാകത്തിന്
കുരുമുളകുപൊടി – അര ചെറിയ സ്പൂൺ
9.തക്കാളി – ഒന്ന്, അരച്ചത്
10.കറിവേപ്പില – പാകത്തിന്
പാകം ചെയ്യുന്ന വിധം
∙ചെമ്മീൻ തൊണ്ടു നാരും കളഞ്ഞു വൃത്തിയാക്കി വയ്ക്കുക.
∙പാൻ ചൂടാക്കി രണ്ടാമത്തെ ചേരുവ വറുത്തു മാറ്റി വയ്ക്കണം.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റുക.
∙ചുവന്നുള്ളി ചേർത്തു വഴറ്റി ഗോൾഡൻ നിറമാകുമ്പോൾ ആറാമത്തെ ചേരുവ വഴറ്റണം.
∙പച്ചമണം മാറുമ്പോൾ ഏഴാമത്തെ ചേരുവ വഴറ്റുക.
∙ചെമ്മീനും ചേർത്തിളക്കി രണ്ടു മിനിറ്റു വേവിക്കണം.
∙ഉപ്പും കുരുമുളകുപൊടിയും വറുത്തു വച്ചിരിക്കുന്ന മസാലയും ചേർത്തു വഴറ്റി തക്കാളിയും ചേർത്തു മൂടി വച്ചു വേവിക്കണം.
∙കറിവേപ്പില വിതറി വാങ്ങാം.
