1. തേങ്ങ ചുരണ്ടിയത് - രണ്ടു കപ്പ്
കശ്മീരി മുളകുപൊടി
- മൂന്നു വലിയ
സ്പൂൺ
മല്ലിപ്പൊടി - ഒരു
ചെറിയ സ്പൂൺ
മഞ്ഞള്പ്പൊടി
- കാൽ ചെറിയ സ്പൂൺ
ചുവന്നുള്ളി - നാല്
2. വെളിച്ചെണ്ണ - രണ്ടു വലിയ സ്പൂൺ
3. കടുക് - ഒരു ചെറിയ സ്പൂൺ
ഉലുവ- കാൽ ചെറിയ സ്പൂൺ
വറ്റൽമുളക് - രണ്ട്, മുറിച്ചത്
കറിവേപ്പില - രണ്ടു തണ്ട്
4. ഉപ്പ്- പാകത്തിന്
5. വെള്ളം - രണ്ടു കപ്പ്
6. അധികം പഴുക്കാത്ത റംബൂട്ടാൻ - 15 - 20, തോടു കളഞ്ഞത്
തക്കാളി - രണ്ട് ഇടത്തരം
പച്ചമുളക് - രണ്ട്, നീളത്തിൽ അരിഞ്ഞത്
ഇഞ്ചി - ഒരു ചെറിയ കഷണം, നീളത്തിൽ അരിഞ്ഞത്
പാകം ചെയ്യുന്ന വിധം
∙ ഒന്നാമത്തെ ചേരുവ മയത്തിൽ അരച്ചു വയ്ക്കുക.
∙ പാനിൽ വെളിച്ചെണ്ണ ചൂടാക്കി മൂന്നാമത്തെ ചേരുവ താളിച്ച ശേഷം അരച്ചുവച്ച ചേരുവയും ഉപ്പും ചേർത്തു നന്നായി വഴറ്റുക.
∙ പച്ചമണം മാറിയ ശേഷം വെള്ളം ചേർത്തു നന്നായി തിളപ്പിക്കുക.
∙ ഇതിലേക്ക് ആറാമത്തെ ചേരുവ ചേർത്തു വേവിക്കുക. കറി കുറുകിയ ശേഷം അടുപ്പിൽ നിന്നു വാങ്ങി വിളമ്പാം.
-ചിന്നമ്മ മാത്യു, പത്തനംതിട്ട