തണ്ണിമത്തൻ സോർബെ
1. തണ്ണിമത്തങ്ങ ജ്യൂസ് – ഒന്നരക്കപ്പ്
വെള്ളം – അരക്കപ്പ്
പഞ്ചസാര – അരക്കപ്പ്
പുതിനയില – നാല് ഇല
2. മുട്ടവെള്ള – ഒരു മുട്ടയുടേത്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ച് അടുപ്പിൽ വച്ചു തിളപ്പിച്ചു വാങ്ങുക.
∙ ചൂടാറിയശേഷം ഒരു പ്ലാസ്റ്റിക് പാത്രത്തിലാക്കി ഫ്രീസറിൽ വയ്ക്കണം.
∙ ഏകദേശം നാലു മണിക്കൂർ കഴിയുമ്പോൾ പുറത്തെടുക്കുക. തൊട്ടാൽ പൊടിഞ്ഞു വരുന്ന പാകമാണ് ഇത്. പുറത്തെടുത്തു സ്പൂൺ കൊണ്ട് ഉടച്ചശേഷം മിക്സിയിലാക്കി ഒന്നടിക്കുക. വീണ്ടും ഫ്രീസറിൽ വച്ചു നാലു മണിക്കൂർ ഫ്രീസ് ചെയ്യുക. രണ്ടു പ്രാവശ്യമെങ്കിലും ഇങ്ങനെ അടിക്കുകയും സെറ്റ് ചെയ്യുകയും വേണം.
∙ ഏറ്റവും ഒടുവിലത്തെ തവണ അടിക്കുമ്പോൾ മുട്ടവെള്ളയും ചേർത്ത് അടിക്കുക. ഫ്രീസറിൽ വച്ചു നാലു മണിക്കൂർ സെറ്റ് െചയ്യുക.
∙ സ്കൂപ്പർകൊണ്ടു ചെറിയ ബോളുകളാക്കി കോരി ഭംഗിയുള്ള പാത്രത്തിലാക്കി പുതിനയില കൊണ്ട് അലങ്കരിച്ചു വിളമ്പുക.
തണ്ണിമത്തൻ ഇഞ്ചി കൂളർ
1. തണ്ണിമത്തങ്ങ കഷണങ്ങളാക്കിയത് – 200 ഗ്രാം
ഇഞ്ചി – ഒരു ചെറിയ കഷണം
തേൻ – ഒരു വലിയ സ്പൂൺ
പുതിന – അഞ്ച് ഇല
പാകം ചെയ്യുന്ന വിധം
∙ എല്ലാ ചേരുവകളും ചേർത്തു മിക്സിയിൽ അടിച്ചു തണുപ്പിച്ചു വിളമ്പുക.
ടുമാറ്റോ–റെഡ് പെപ്പർ സൂപ്പ്
1. നന്നായി പഴുത്ത തക്കാളി – 10
ചുവന്ന കാപ്സിക്കം – രണ്ട്
2. എണ്ണ – മൂന്നു വലിയ സ്പൂൺ
3. സവാള – ഒന്ന്, െചറുതായി അരിഞ്ഞത്
വെളുത്തുള്ളി – നാല് അല്ലി, െചറുതായി അരിഞ്ഞത്
സെലറിത്തണ്ട് – ഒന്ന്, അരിഞ്ഞത്
4. ഉപ്പ്, പഞ്ചസാര, കുരുമുളകുപൊടി – പാകത്തിന്
5. േബസിൽ ലീവ്സ് (രാമതുളസിയില) – 10
6. ഫ്രെഷ് ക്രീം – അലങ്കരിക്കാൻ
പാകം ചെയ്യുന്ന വിധം
∙ തക്കാളിയും കാപ്സിക്കവും െചറിയ കഷണങ്ങളാക്കി വയ്ക്കണം.
∙ പാനിൽ എണ്ണ ചൂടാക്കി, മൂന്നാമത്തെ ചേരുവ വഴറ്റുക.
∙ സവാളയുടെ നിറം മാറും മുമ്പു മൂന്നാമത്തെ ചേരുവ ചേർത്തു നന്നായി വഴറ്റുക.
∙ ഇതിലേക്ക് ഉപ്പും പഞ്ചസാരയും കുരുമുളകുപൊടിയും പാകത്തിനു ചേർത്തിളക്കണം.
∙ നികക്കെ വെള്ളമൊഴിച്ചു വേവിക്കുക.
∙ വെന്തശേഷം രാമതുളസിയിലയും ചേർത്തിളക്കി വാങ്ങി മിക്സിയിൽ അടിച്ചെടുക്കുക.
∙ വിളമ്പാനുള്ള പാത്രത്തിലാക്കി ഫ്രെഷ് ക്രീം കൊണ്ടലങ്കരിച്ചു വിളമ്പാം.
