ചിക്കന്‍ ആയാലും മീൻ ആയാലും നാടൻ കറികളുടെ രുചി ഒന്നു വേറെ തന്നെ. കോഴിക്കാൽ കൊണ്ടൊരു മസാല വറുവലും ആവോലി കൊണ്ടൊരു പാൽകറിയും തയാറാക്കാനുള്ള നാടൻ പാചകക്കുറിപ്പുകൾ.
കോഴിക്കാൽ മസാല വറുവൽ
1. കോഴിക്കാൽ – ഏഴ്
2. കശ്മീരി മുളകുപൊടി – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
ഇഞ്ചി–െവളുത്തുള്ളി പേസ്റ്റ് – ഒരു വലിയ സ്പൂൺ
3. ചുവന്നുള്ളി – 10
വറ്റൽമുളക് – അഞ്ച്
മല്ലിയില അരിഞ്ഞത് – ഒരു ചെറിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
തക്കാളി – ഒന്ന്
4. വെളിച്ചെണ്ണ – പാകത്തിന്
5. സവാള – ഒന്ന്, അരിഞ്ഞത്
ഉപ്പ് – പാകത്തിന്
6. ഗരംമസാലപ്പൊടി – കാൽ െചറിയ സ്പൂൺ
7. മല്ലിയില – അലങ്കരിക്കാൻ
പാകം ചെയ്യുന്ന വിധം
∙ കോഴിക്കാൽ കഴുകി വൃത്തിയാക്കി രണ്ടാമത്തെ ചേരുവ പുരട്ടി രണ്ടു മണിക്കൂർ ഫ്രിഡ്ജിൽ വയ്ക്കുക.
∙ മൂന്നാമത്തെ ചേരുവ മയത്തിൽ അരച്ചു വയ്ക്കുക.
∙ ഫ്രൈയിങ് പാനിൽ എണ്ണ ചൂടാക്കി ചിക്കൻ കാൽ വറുത്തു കോരി മാറ്റി വയ്ക്കുക.
∙ ഇതേ എണ്ണയിലേക്ക് അരപ്പു ചേർത്തു വഴറ്റിയ ശേഷം സവാ ളയും ഉപ്പും ചേർത്തു വഴറ്റി, ചിക്കൻ വറുത്തതും ഗരംമസാലപ്പൊടിയും ചേർത്തിളക്കുക.
∙ ചിക്കൻ വെന്ത്, മസാല ചിക്കനിൽ പൊതിഞ്ഞിരിക്കുന്ന പരുവത്തിൽ വാങ്ങി മല്ലിയില കൊണ്ട് അലങ്കരിച്ചു വിളമ്പാം.
ആവോലി പാൽ കറി
1. ആവോലി – അരക്കിലോ വലുപ്പമുള്ള ഒന്ന് മുഴുവനോടെ
2. പച്ചമുളക് – നാല്
കുരുമുളക് – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
മല്ലിയില – ഒരു തണ്ട്
ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ
ചുവന്നുള്ളി – എട്ട്
ഉപ്പ് – പാകത്തിന്
3. വെളിച്ചെണ്ണ – പാകത്തിന്
4. കടുക് – അര ചെറിയ സ്പൂൺ
5. കറിവേപ്പില – രണ്ടു തണ്ട്
വറ്റൽമുളക് – നാല്, കഷണങ്ങളാക്കിയത്
6. തക്കാളി – രണ്ട്, അരിഞ്ഞത്
7. മഞ്ഞൾപ്പൊടി – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
തേങ്ങാപ്പാൽ – അരക്കപ്പ്
8. ഉപ്പ് – പാകത്തിന്
കോൺഫ്ളോർ – ഒരു ചെറിയ സ്പൂൺ
9. കറിവേപ്പില വറുത്തത് – അലങ്കരിക്കാൻ
പാകം ചെയ്യുന്ന വിധം
∙ ആവോലി മുഴുവനോടെ തന്നെ കഴുകി വൃത്തിയാക്കി ഇരുവശവും വരഞ്ഞു വയ്ക്കുക. രണ്ടാമത്തെ ചേരുവ മിക്സിയി ൽ അരച്ചു മീനിൽ പുരട്ടി ഒരു മണിക്കൂർ വയ്ക്കണം.
∙ ഫ്രൈയിങ് പാനിൽ എണ്ണ ചൂടാക്കി പുരട്ടിവച്ചിരിക്കുന്ന മീൻ ചേർത്തു ചെറുതീയിൽ വറുത്തു കോരി വിളമ്പാനുള്ള പാത്രത്തിലാക്കുക.
∙ മറ്റൊരു പാനിൽ വെളിച്ചെണ്ണ ചൂടാക്കി തക്കാളി അരിഞ്ഞതു ചേർത്തു വഴറ്റണം. വഴന്നു വരുമ്പോൾ ഏഴാമത്തെ ചേരുവ ചേർത്തു ചെറുതീയിൽ വേവിക്കുക.
∙ ഇതിലേക്കു പാകത്തിനുപ്പും കോൺഫ്ളോർ അല്പം വെള്ളത്തിൽ കലക്കിയതും ചേർത്ത് ഒഴിക്കുക.
∙ ഗ്രേവി കുറുകി വരുമ്പോൾ വാങ്ങി, വറുത്തു വച്ചിരിക്കുന്ന മീനിനു മുകളിൽ ഒഴിച്ചു കറിവേപ്പില കൊണ്ട് അലങ്കരിച്ചു വിളമ്പാം.
