ചേരുവകൾ
1. വെള്ളം - പാകത്തിന്
2. ഉപ്പ് – പാകത്തിന്
എണ്ണ - ഒരു വലിയ സ്പൂൺ
3. നൂഡിൽസ് - 150 ഗ്രാം
4. എണ്ണ - മൂന്നു വലിയ സ്പൂൺ
5. വെളുത്തുള്ളി പൊടിയായി അരിഞ്ഞത് – ഒരു വലിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് - മൂന്നു വലിയ സ്പൂൺ
6. കാബേജ് നീളത്തിൽ അരിഞ്ഞത് - ഒരു കപ്പ്
കാരറ്റ് നീളത്തിൽ അരിഞ്ഞത് - അരക്കപ്പ്
പച്ച, ചുവപ്പ്, മഞ്ഞ കാപ്സിക്കം നീളത്തിൽ അരിഞ്ഞത് - ആറു വലിയ സ്പൂൺ
7. പഞ്ചസാര - ഒരു ചെറിയ സ്പൂൺ
8. ഉപ്പ്- പാകത്തിന്
കുരുമുളകുപൊടി - അര ചെറിയ സ്പൂൺ
9. സോയാസോസ് - ഒരു വലിയ സ്പൂൺ
ചില്ലിസോസ് - ഒരു വലിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് - ഒരു വലിയ സ്പൂൺ
10. വിനാഗിരി - ഒരു ചെറിയ സ്പൂൺ
പാകം ചെയ്യുന്ന വിധം
∙ ഒരു വലിയ പാത്രത്തിൽ മുക്കാൽഭാഗം വെള്ളം തിളപ്പിക്കുക. ഇതിലേക്ക് ഉപ്പും എണ്ണയും ചേർത്തു തിളയ്ക്കുമ്പോൾ നൂഡിൽസ് ചേർക്കുക.
∙ നൂഡിൽസ് മുക്കാൽ വേവാകുമ്പോൾ കിഴുത്ത തവി കൊണ്ട് കോരിയെടുത്ത് മുകളില് ഒരു കപ്പ് തണുത്ത വെള്ളം ഒഴിച്ചു മാറ്റിവയ്ക്കുക. നൂഡിൽസ് വെന്ത് ഉടയില്ല.
∙ പാനിൽ എണ്ണ ചൂടാക്കി വെളുത്തുള്ളി, സ്പ്രിങ് അണിയൻ എന്നിവ ചേ ർത്തു നല്ല തീയിൽ വഴറ്റുക.
∙ ഇതിലേക്ക് ആറാമത്തെ ചേരുവ ചേർത്ത് നല്ല തീയിൽ രണ്ട്–മൂന്നു മിനിറ്റ് വ ഴറ്റണം.
∙ ഇതിൽ പഞ്ചസാര ചേർത്തിളക്കിയ ശേഷം വേവിച്ചു വച്ചിരിക്കുന്ന നൂഡി ൽസും ഉപ്പും കുരുമുളകുപൊടിയും ചേർത്തു നന്നായി ഇളക്കി യോജിപ്പിക്കണം.
∙ ഇതിലേക്ക് സോയാസോസും ചില്ലിസോസും സ്പ്രിങ് അണിയനും ചേർത്തു നന്നായി യോജിപ്പിക്കുക.
∙ വിനാഗിരി ചേർത്തു നന്നായി ഇളക്കി ചൂടോടെ വിളമ്പാം.