1. എണ്ണ – മൂന്നു വലിയ സ്പൂൺ
2. മഞ്ഞൾപ്പൊടി – അര ചെറിയ സ്പൂൺ
ഉപ്പ് – ഒരു നുള്ള്
3. ഉരുളക്കിഴങ്ങ് – 225 ഗ്രാം, ഒരിഞ്ചു ചതുരക്കഷണങ്ങളാക്കിയത്
4. സവാള പൊടിയായി അരിഞ്ഞത് – അരക്കപ്പ്
5. വഴനയില – ഒന്ന്
ജീരകംപൊടി – അര ചെറിയ സ്പൂൺ
ഇഞ്ചി പൊടിയായി അരിഞ്ഞത് – രണ്ടു ചെറിയ സ്പൂൺ
മുളകുപൊടി – രണ്ടു ചെറിയ സ്പൂൺ
6. തക്കാളി – നാല്, പൊടിയായി അരിഞ്ഞത്
7. സ്പിനച്ച് (പച്ചച്ചീര) – 100 ഗ്രാം
8. ഗ്രീൻപീസ് – 125 ഗ്രാം
നാരങ്ങാനീര് – അര–ഒരു വലിയ സ്പൂൺ
9. ഉപ്പ്, കുരുമുളകുപൊടി – പാകത്തിന്
പാകം ചെയ്യുന്ന വിധം
∙ ഫ്രൈയിങ് പാനിൽ രണ്ടു വലിയ സ്പൂൺ എണ്ണ ചൂടാക്കി രണ്ടാമത്തെ ചേരുവ ചേർത്തിളക്കിയ ശേഷം ഉരുളക്കിഴങ്ങും ചേർത്തു തുടരെയിളക്കുക. മഞ്ഞൾപ്പൊടി ഉരുളക്കിഴങ്ങിൽ നന്നായി പിടിക്കണം. അഞ്ചു മിനിറ്റ് വഴറ്റിയ ശേഷം പാനിൽ നിന്നു കോരി മാറ്റിവയ്ക്കുക.
∙ ബാക്കി എണ്ണ ചൂടാക്കി സവാള ചേർത്ത് ഒന്നു–രണ്ടു മിനിറ്റ് വഴറ്റുക.
∙ ഇതിലേക്ക് അഞ്ചാമത്തെ ചേരുവ ചേർത്തിളക്കിയ ശേഷം തക്കാളി ചേർത്തു രണ്ടു മിനിറ്റ് വഴറ്റുക.
∙ സ്പിനച്ചും ചേർത്തു നന്നായി ഇളക്കി യോജിപ്പിച്ച് അടച്ചു വച്ചു ചെറുതീയിൽ രണ്ടു–മൂന്നു മിനിറ്റ് വേവിക്കുക.
∙ ഇതിലേക്കു ഉരുളക്കിഴങ്ങു ചേർത്തിളക്കിയ ശേഷം പീസും നാരങ്ങാനീരും ചേർത്ത് അഞ്ചു മിനിറ്റ് വേവിക്കുക. ഉരുളക്കിഴങ്ങു വേവുന്നതാണു പാകം.
∙ അടുപ്പിൽ നിന്നു വാങ്ങിയ ശേഷം കറിയിൽ നിന്നു വഴനയില മാറ്റി പാകത്തിനുപ്പും കുരുമുളകുപൊടിയും ചേർത്തിളക്കി ചൂടോടെ വിളമ്പാം.