തയാറാക്കിയത്: ശില്പ ബി. രാജ്, ഫോട്ടോ: സരുൺ മാത്യു. പാചകക്കുറിപ്പുകൾക്കു കടപ്പാട്: ജയശ്രീ മുരളീധരൻ, ചെറുതുരുത്തി, ഷൊർണൂർ. ഫോട്ടോയ്ക്കു വേണ്ടി
വിഭവങ്ങൾ തയാറാക്കിയത്: റെജിമോൻ പി. എസ്. സീനിയർ സിഡിപി, ക്രൗൺ പ്ലാസ, കൊച്ചി.
ചക്ക എരിശ്ശേരി
1. മുതിര/വൻപയർ – അരക്കപ്പ്
2. വെള്ളം – പാകത്തിന്
മുളകുപൊടി – ഒരു ചെറിയ സ്പൂൺ
മഞ്ഞള്‍പ്പൊടി – അര ചെറിയ സ്പൂൺ
3. പച്ചച്ചക്ക അരിഞ്ഞത് – രണ്ടു കപ്പ്
4. തേങ്ങ ചുരണ്ടിയത് – രണ്ടു വലിയ സ്പൂൺ
ജീരകം – അര ചെറിയ സ്പൂൺ
5. വെളിച്ചെണ്ണ – രണ്ടു ചെറിയ സ്പൂൺ
6. കടുക് – കാൽ ചെറിയ സ്പൂൺ
കറിവേപ്പില – രണ്ടു തണ്ട്
വറ്റല്‍മുളക് – രണ്ട്
7. തേങ്ങ ചുരണ്ടിയത് – കാൽ കപ്പ്
പാകം ചെയ്യുന്ന വിധം
∙ മുതിര രണ്ടാമത്തെ ചേരുവ ചേർത്തു വേവിക്കുക.
∙ ഇതിലേക്കു ചക്ക ചേര്‍ത്തു വേവിക്കണം.
∙ ഒരു സ്പൂണിന്റെ പുറകുവശം കൊണ്ട് ചക്ക ഉടച്ച ശേഷം നാലാമത്തെ ചേരുവ അരച്ചതു ചേർത്തു നന്നായി ഇളക്കി യോജിപ്പിക്കുക.
∙ പാനിൽ വെളിച്ചെണ്ണ ചൂടാക്കി ആറാമത്തെ ചേരുവ താളിക്കണം. കടുകു പൊട്ടുമ്പോൾ തേങ്ങ ചേർത്തിളക്കി ഇളം ബ്രൗൺനിറമാകുമ്പോൾ ചക്കമിശ്രിതത്തിൽ ചേർത്തു ന ന്നായിളക്കി വിളമ്പാം.
മാങ്ങാപ്പച്ചടി
1. തേങ്ങ ചുരണ്ടിയത് – കാൽ കപ്പ്
പച്ചമുളക് – മൂന്ന്–നാല്
കടുക് – കാൽ ചെറിയ സ്പൂൺ
ഉപ്പ് – പാകത്തിന്
കട്ടത്തൈര് – കാൽ–അരക്കപ്പ്
2. പുളിയുള്ള പച്ചമാങ്ങ – ഒരു ഇടത്തരം, പൊടിയായി അരിഞ്ഞത്
3. വെളിച്ചെണ്ണ – ഒരു വലിയ സ്പൂൺ
4. കടുക് – അര ചെറിയ സ്പൂൺ
വറ്റൽമുളക് – ഒന്ന്–രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ ഒന്നാമത്തെ ചേരുവ മിക്സിയിൽ മയത്തില്‍ അരയ്ക്കുക.
∙ ഇതിലേക്കു മാങ്ങ ചേര്‍ത്ത് രണ്ട്–മൂന്നു തവണ കറക്കണം.
∙ പാനിൽ എണ്ണ ചൂടാക്കി നാലാമത്തെ ചേരുവ ചേർത്തു താളിക്കുക. ഇതു മാങ്ങാക്കൂട്ടിൽ ചേര്‍ത്തു നന്നായി ഇളക്കി യോജിപ്പിക്കണം.
