സിസ്ലേഴ്സ് ഫിഷ്
1. ദശക്കട്ടിയുള്ള മീൻ വൃത്തിയാക്കിയത് – ഒരു കിലോ
2. മുളകുപൊടി – രണ്ടു ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
ഉപ്പ് – പാകത്തിന്
3. സോയാസോസ് – നാലു ചെറിയ സ്പൂൺ
4. എണ്ണ – അരക്കപ്പ് + കാൽ കപ്പ്
5. വറ്റൽമുളക് – എട്ട്
6. സവാള പൊടിയായി അരിഞ്ഞത് – രണ്ടു കപ്പ്
വെളുത്തുള്ളി – 10 അല്ലി, അരിഞ്ഞത്
ഇഞ്ചി അരിഞ്ഞത് – ഒരു ചെറിയ സ്പൂൺ
7. തക്കാളി പൊടിയായി അരിഞ്ഞത് – അരക്കപ്പ്
ടുമാറ്റോ സോസ് – കാൽ കപ്പ്
8. മുളകുപൊടി – ഒരു ചെറിയ സ്പൂൺ
9. ഫിഷ് സ്റ്റോക്ക് – ഒരു കപ്പ്
ഉപ്പ് – പാകത്തിന്
വിനാഗിരി – രണ്ടു ചെറിയ സ്പൂൺ
10. കാപ്സിക്കം ചെറിയ കഷണങ്ങളാക്കിയത് – കാൽ കപ്പ്
സെലറി പൊടിയായി അരിഞ്ഞത് – ഒരു ചെറിയ സ്പൂൺ
പാകം െചയ്യുന്ന വിധം
∙ മീൻ വൃത്തിയാക്കി ആറിഞ്ചു നീളവും രണ്ടിഞ്ചു വീതിയുമുള്ള കഷണങ്ങളാക്കുക.
∙ രണ്ടാമത്തെ ചേരുവ സോയാസോസ് ചേർത്തരച്ചു മീന് കഷണങ്ങളില് പുരട്ടി ഒരു മ ണിക്കൂർ വയ്ക്കണം.
∙ അരക്കപ്പ് എണ്ണ ചൂടാക്കി മീൻ ചേർത്ത് അ ധികം മൂത്തു പോകാതെ വറുത്തു കോരുക.
∙ മീൻ വറുത്ത എണ്ണ അരിച്ചെടുത്ത ശേഷം അതിലേക്കു കാൽ കപ്പ് എണ്ണ കൂടി ചേർത്തു ചൂടാക്കുക.
∙ ഇതിൽ വറ്റൽമുളകു വറുത്തു കോരി ചതച്ചു മാറ്റി വയ്ക്കണം.
∙ അതേ എണ്ണയിൽ ആറാമത്തെ ചേരുവ ചേ ർത്തു നന്നായി വഴറ്റിയ ശേഷം തക്കാളിയും ടുമാറ്റോ സോസും ചേർത്തിളക്കണം.
∙ എണ്ണ തെളിയുമ്പോൾ മുളകുപൊടിയും ചേർത്തിളക്കി വാങ്ങണം.
∙ ഒൻപതാമത്തെ ചേരുവ യോജിപ്പിച്ചു നന്നായി തിളയ്ക്കുമ്പോൾ വറ്റൽമുളകു വറുത്തു ചതച്ചതു ചേർത്തിളക്കി വയ്ക്കുക.
∙ വറുത്തു വച്ച മീൻ വിളമ്പാനുള്ള പാത്രത്തിലാക്കി അതിനു മുകളിലായി വഴറ്റിയ കൂട്ടു നി രത്തുക.
∙ തിളപ്പിച്ചു വച്ച സ്റ്റോക്കിനും പത്താമത്തെ ചേരുവയ്ക്കുമൊപ്പം വിളമ്പാം.