സ്പൈസിയും ക്രിസ്പിയുമായ ചില്ലി ഫിഷ്, ബെസ്റ്റ് കോമ്പിനേഷൻ Spicy Chilli Fish Fry Recipe
Mail This Article
നല്ല എരിവുള്ള മുളകും, സോസും, മസാലകളും ചേർത്ത് വറുത്തെടുത്ത ചില്ലി ഫിഷ്. ചപ്പാത്തിയുടെയോ ഫ്രൈഡ് റൈസിന്റെയോ കൂടെ കഴിക്കാൻ ഏറ്റവും മികച്ച ചോയ്സ്.
ആവശ്യമായ ചേരുവകൾ
1. ആവോലി /കണമ്പ്, മുഴുവനോടെ – ഒരു കിലോ
2. സോയ സോസ് – രണ്ടു വലിയ സ്പൂൺ
മുളകുപൊടി – ഒരു വലിയ സ്പൂൺ
കുരുമുളകുപൊടി – അര ചെറിയ സ്പൂൺ
ഉപ്പ് – പാകത്തിന്
3. എണ്ണ – അരക്കപ്പ്
4. വറ്റൽമുളക് – 20
5. സവാള പൊടിയായി അരിഞ്ഞത് – രണ്ടു കപ്പ്
6. വെളുത്തുള്ളി – 15 അല്ലി
ഇഞ്ചി അരിഞ്ഞത് – ഒരു ചെറിയ സ്പൂൺ
തക്കാളി – അരക്കപ്പ്
7. മുളകുപൊടി – രണ്ടു ചെറിയ സ്പൂൺ
8. ടുമാറ്റോ സോസ് – കാൽ കപ്പ്
9. ഫിഷ് സ്റ്റോക്ക് – ഒരു കപ്പ്
വിനാഗിരി – ഒരു വലിയ സ്പൂൺ
ഉപ്പ് – പാകത്തിന്
10. കാപ്സിക്കം പൊടിയായി അരിഞ്ഞത് – അരക്കപ്പ്
സെലറി പൊടിയായി അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙ മീൻ വൃത്തിയാക്കി വരഞ്ഞു രണ്ടാമത്തെ ചേരുവ യോജിപ്പിച്ചതു പുരട്ടി രണ്ടു മണിക്കൂർ വയ്ക്കണം.
∙ എണ്ണ ചൂടാക്കി, പുരട്ടി വച്ചിരിക്കുന്ന മീന് തിരിച്ചും മറിച്ചുമിട്ടു വറുത്തു മാറ്റി വയ്ക്കണം.
∙ വറുത്ത എണ്ണ അരിച്ചെടുക്കുക.
∙ അൽപം എണ്ണയിൽ വറ്റൽമുളകു വറുത്തു കോരി ചതച്ചു വയ്ക്കണം.
∙ ബാക്കി എണ്ണയിൽ സവാള വഴറ്റി ബ്രൗൺ നിറമാകുമ്പോൾ ആറാമത്തെ ചേരുവ ചേർത്തു വഴറ്റുക.
. നന്നായി വഴന്ന ശേഷം മുളകുപൊടി ചേർത്തു വഴറ്റണം.ഇതിലേക്കു ടുമാറ്റോ സോസ് ചേർത്തു വഴറ്റുക.
∙ ഫിഷ് സ്റ്റോക്കിൽ വിനാഗിരിയും ഉപ്പും ചേർത്തിളക്കിയ ശേഷം ഈ മിശ്രിതം സോസിൽ ചേർത്തിളക്കി ചെറുതീയിൽ കുറച്ചു സമയം
തിളപ്പിക്കണം.
∙ അതിലേക്കു കാപ്സിക്കവും സെലറിയും ചേർത്തിളക്കി വാങ്ങുക.
∙ പാത്രത്തിൽ വറുത്ത മീൻ വച്ച് അതിനു മുകളിൽ തയാറാക്കിയ സോസ് ഒഴിക്കുക.
. മീനിനു ചുറ്റുമായി നൂഡിൽസ് വറുത്തതു നിരത്തി, മീനിനു മുകളിൽ സെലറിയും കാരറ്റും അരിഞ്ഞതും വിതറുക.
∙ വറുത്തു ചതച്ചു വച്ചിരിക്കുന്ന വറ്റൽമുളക് വിതറി ചൂടോടെ വിളമ്പാം.