കാഷ്യൂ ചിക്കൻ
1.ചിക്കൻ – ഒരു കിലോ, കഷണങ്ങളാക്കിയത്
2.നെയ്യ് – അരക്കപ്പ്
3.ഇഞ്ചി–വെളുത്തുള്ളി പേസ്റ്റ് – രണ്ടു വലിയ സ്പൂൺ
4.സവാള – നാലു വലുത്, അരിഞ്ഞത്
തക്കാളി – മൂന്നു വലുത്, അരിഞ്ഞത്
5.മഞ്ഞൾപ്പൊടി – ഒരു ചെറിയ സ്പൂൺ
മുളകുപൊടി – ഒന്നര വലിയ സ്പൂൺ
ഗരംസാലപ്പൊടി – രണ്ടു ചെറിയ സ്പൂൺ
6.ഉപ്പ് – പാകത്തിന്
വെള്ളം – അരക്കപ്പ്
7.തേങ്ങ ചുരണ്ടിയത് – മുക്കൽ കപ്പ്
കശുവണ്ടിപ്പരിപ്പ് – അരക്കപ്പ്
8.മല്ലിയില പൊടിയായി അരിഞ്ഞത് – രണ്ടു വലിയ സ്പൂൺ
കശുവണ്ടിപ്പരിപ്പ് – 50 ഗ്രാം, വറുത്തത്
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി വയ്ക്കുക.
∙പാനിൽ നെയ്യ് ചൂടാക്കി ഇഞ്ചി–വെളുത്തുള്ളി പേസ്റ്റ് മൂപ്പിക്കുക.
∙ഇതിലേക്ക് സവാളയും തക്കാളിയും ചേർത്തു നന്നായി വഴറ്റണം.
∙ചെറുതീയിലാക്കി അഞ്ചാമത്തെ ചേരുവ ചേർത്ത് എണ്ണ തെളിയുന്നതു വരെ വഴറ്റണം.
∙ഇതിലേക്ക് ചിക്കനും ഉപ്പും വെള്ളവും ചേർത്ത് പാത്രം അടച്ചു വച്ച് വേവിക്കുക.
∙ചിക്കൻ വെന്ത ശേഷം തേങ്ങയും കശുവണ്ടിപ്പരിപ്പ് അരച്ചതും ചേർത്തു തിളപ്പിച്ച് കുറുകിയ പരുവത്തിൽ വാങ്ങുക.
∙മല്ലിയിലയും കശുവണ്ടിപ്പരിപ്പു വറുത്തതും കൊണ്ട് അലങ്കരിച്ചു വിളമ്പാം.