ചിക്കൻ ഗീ റോസ്റ്റ്
1.ചിക്കൻ – ഒരു കിലോ
2.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – ഒരു വലിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
തൈര് – ഒരു വലിയ സ്പൂൺ
നാരങ്ങാനീര് – ഒരു നാരങ്ങയുടെ
ഉപ്പ് – പാകത്തിന്
3.പിരിയൻമുളക് – 10
വറ്റൽമുളക് – അഞ്ച്
മല്ലി – രണ്ടു വലിയ സ്പൂൺ
ജീരകം – ഒരു ചെറിയ സ്പൂൺ
പെരുംജീരകം – ഒരു ചെറിയ സ്പൂൺ
കുരുമുളക് – ഒരു ചെറിയ സ്പൂൺ
ഉലുവ – ഒരി നുള്ള്
4.വെളുത്തുള്ളി – എട്ട് അല്ലി
വാളൻപുളി – ഒരു ചെറിയ നെല്ലിക്കാ വലുപ്പത്തിൽ
വെള്ളം – അരയ്ക്കാൻ ആവശ്യത്തിന്
5.നെയ്യ് – നാലു വലിയ സ്പൂൺ
6.ശർക്കര – ഒരു വലിയ സ്പൂൺ
നെയ്യ് – ഒരു വല്യ സ്പൂൺ
ഉപ്പ് – പാകത്തിന്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ചിക്കൻ വലിയ കഷണങ്ങളായി മുറിച്ച് കഴുകി വയ്ക്കുക.
∙ഇതിൽ ഒന്നാമത്തെ ചേരുവ ചേർത്തു നന്നായി തിരുമ്മി യോജിപ്പിച്ച് അര മണിക്കൂർ വയ്ക്കുക.
∙പാൻ ചൂടാക്കി മൂന്നാമത്തെ ചേരുവ പച്ചമണം മാറും വരെ വറക്കുക. എണ്ണ ചേർക്കരുത്.
∙വറുത്ത് കോരിയ മസാലക്കൂട്ട് ചൂടാറിക്കഴിയുമ്പോൾ നാലാമത്തെ ചേരുവ ചേർത്തു മയത്തിൽ അരയ്ക്കുക.
∙പാൻ ചൂടാക്കി നെയ്യ് ഒഴിച്ചു ചിക്കൻ മുക്കാൽ വേവിൽ വറുത്ത് കോരുക.
∙ഇതേ പാനിൽ തയാറാക്കി വച്ചിരിക്കുന്ന മസാലക്കൂട്ട് ചേർത്തു തിളപ്പിക്കുക.
∙തിളച്ചു തുടങ്ങുമ്പോൾ ചിക്കൻ ചേർത്ത് വീണ്ടും തിളപ്പിക്കുക. ആവശ്യമെങ്കിൽ വെള്ളം ചേർക്കാം.
∙എണ്ണ തെളിഞ്ഞു തുടങ്ങുമ്പോൾ ആറാമത്തെ ചേരുവ ചേർത്തു വിളമ്പം.
തയാറാക്കുന്ന വിധം വീഡിയോയിൽ