ചിക്കൻ പിരളൻ
1.എണ്ണ – പാകത്തിന്
2.സവാള അരിഞ്ഞത് – രണ്ട്
3.ഇഞ്ചി അരച്ചത് – ഒരു സ്പൂൺ
വെളുത്തുള്ളി അരച്ചത് – ഒരു സ്പൂൺ
പച്ചമുളക് കീറിയത് – നാല്
കറിവേപ്പില – മൂന്നു തണ്ട്
4.മല്ലിപ്പൊടി, കുരുമുളകുപൊടി – ഓരോ സ്പൂൺ വീതം
ഗരംമസാലപ്പൊടി – അര സ്പൂൺ
മഞ്ഞൾപ്പൊടി – കാൽ സ്പൂൺ
5.ചിക്കൻ വൃത്തിയാക്കി മുറിച്ചത് – അരക്കിലോ
6.തൈര് – അരക്കപ്പ്
7.ഉപ്പ് – പാകത്തിന്
8.തേങ്ങയുടെ ഒന്നും രണ്ടും പാൽ – ഓരോ കപ്പ് വീതം
9.കശുവണ്ടിപ്പരിപ്പ് അരച്ചു കലക്കിയത് – പത്ത്
പാകം ചെയ്യുന്ന വിധം
∙സവാള മൂന്നു നുള്ള് ഉപ്പു ചേർത്തു വഴറ്റുക. നന്നായി വഴന്നശേഷം മൂന്നാമത്തെ ചേരുവ ചേർത്തു വഴറ്റണം.
∙ഇതിലേക്കു നാലാമത്തെ ചേരുവ ചേർത്തു വഴറ്റിയശേഷം ചിക്കനും തൈരും പാകത്തിന് ഉപ്പും രണ്ടാംപാലും ചേർത്തിളക്കി അടുപ്പിൽ വച്ച് വേവിക്കുക.
∙വെള്ളം വറ്റിയാൽ ഒന്നാം പാലും കശുവണ്ടിപ്പരിപ്പ് കലക്കിയതും ചേർത്തിളക്കി നന്നായി ചൂടാക്കി വാങ്ങുക.