ഫിഷ് ബിരിയാണി
1.നെയ്മീന്‍ - അരക്കിലോ
2.മഞ്ഞൾപൊടി – അര ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
പെരുംജീരകം പൊടി – രണ്ടു ചെറിയ സ്പൂൺ
ഗരംമസാല പൊടി – അര ചെറിയ സ്പൂൺ
ഇഞ്ചി വെളുത്തുള്ളി പേസ്റ്റ് – ഒരു ചെറിയ സ്പൂൺ
ഉപ്പ് – പാകത്തിന്
3.വെളിച്ചെണ്ണ – അരക്കപ്പ്
4.സവാള – 2, അരിഞ്ഞത്
5.കൈമ അരി – മൂന്നു കപ്പ്
6.വെള്ളം – ആറരക്കപ്പ്
7.കറുവാപ്പട്ട – ഒന്ന്
ഏലയ്ക്ക – നാല്
ഗ്രാമ്പൂ – നാല്
ഉപ്പ് – പാകത്തിന്
8.എണ്ണ – രണ്ടു ചെറിയ സ്പൂൺ
നെയ്യ് – രണ്ടു വലിയ സ്പൂൺ
9.സവാള – രണ്ട്, അരിഞ്ഞത്
ഇഞ്ചി വെളുത്തുള്ളി ചതച്ചത് – മൂന്നു ചെറിയ സ്പൂൺ
10.തക്കാളി – രണ്ട്, അരിഞ്ഞത്
11.പെരുംജീരകം പൊടി – ഒരു ചെറിയ സ്പൂൺ
ഗരംമസാല പൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
12.നാരങ്ങ നീര് – ഒരു നാരങ്ങയുടേത്
മല്ലിയില – കാൽ കപ്പ്
പാകം ചെയ്യുന്ന വിധം
∙മീൻ കഴുകി വൃത്തിയാക്കി വലിയ കഷണങ്ങളാക്കി രണ്ടാമത്തെ ചേരുവ പുരട്ടി വറുത്തു മാറ്റി വയ്ക്കുക.
∙എണ്ണയിൽ സവാള വറുത്തു കോരി വയ്ക്കണം.
∙അരി കഴുകി വൃത്തിയാക്കി വയ്ക്കണം.
∙വെള്ളം എട്ടാമത്തെ ചേരുവ ചേർത്തു തിളപ്പിച്ചു അരി ചേർത്തു വേവിച്ചൂറ്റി വയ്ക്കുക.
∙പാനിൽ എണ്ണയും നെയ്യും ചൂടാക്കി 9 –ാമത്തെ ചേരുവ വഴറ്റണം.
∙സവാള കണ്ണാടിപ്പരുവമാകുമ്പോൾ തക്കാളി ചേർത്തു വഴറ്റി എണ്ണ തെളിയുമ്പോൾ പൊടികൾ ചേർത്തു മൂപ്പിക്കുക.
∙പച്ചമണം മാറുമ്പോൾ വറുത്തു വച്ചിരിക്കുന്ന മീൻ ചേർത്തു പൊടിഞ്ഞു പോകാതെ യോജിപ്പിക്കുക.
∙ബിരിയാണി പാത്രത്തിൽ അൽപം നെയ്യൊഴിച്ച് വേവിച്ചു വച്ചിരിക്കുന്ന അരിയിൽ നിന്നും പകുതി നിരത്തി മുകളിൽ തയാറാക്കിയ മീൻ മസാല നിരത്തണം.
∙വറുത്തു വച്ചിരിക്കുന്ന സവാളയുടെ പകുതിയും ബാക്കിയുള്ള ചോറും നിരത്തി മുകളിൽ വീണ്ടും വറുത്ത സവാളയും 12 –ാമത്തെ ചേരുവയും വിതറി മൂടിവച്ചു 10–15 മിനിറ്റു ദം ചെയ്യുക.
∙നെയ്യിൽ വറുത്ത കശുവണ്ടിപ്പരിപ്പും ഉണക്കമുന്തിരിയും കൊണ്ട് അലങ്കരിച്ചു വിളമ്പാം.
