മീൻ വറുത്തത് റോസ്റ്റഡ് ചില്ലി ഗാർലിക് സോസിനൊപ്പം
1. നെയ്മീൻ കഷണങ്ങളാക്കിയത് - അരക്കിലോ
2. ഇഞ്ചി - വെളുത്തുള്ളി പേസ്റ്റ് - ഒരു ചെറിയ സ്പൂൺ
3. കോൺഫ്ലോർ, എണ്ണ - വറുക്കാൻ പാകത്തിന്
4. എണ്ണ - ഒന്നു- രണ്ടു വലിയ സ്പൂൺ
5. വറ്റൽമുളക് ചതച്ചത് - രണ്ടു ചെറിയ സ്പൂൺ
6. മല്ലിയില പൊടിയായി അരിഞ്ഞത് - ഒരു ചെറിയ സ്പൂൺ
ശർക്കര ചുരണ്ടിയത് - രണ്ടു വലിയ സ്പൂൺ
നിലക്കടല റോസ്റ്റ് ചെയ്തു പൊടിയായി നുറുക്കിയത് - രണ്ടു വലിയ സ്പൂൺ
വാളൻപുളി പിഴിഞ്ഞത് - രണ്ടു ചെറിയ സ്പൂൺ
7. വെളുത്തുള്ളി പൊടിയായി അരിഞ്ഞത് - ഒരു വലിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് - രണ്ടു വലിയ സ്പൂൺ
കശുവണ്ടി മുഴുവനോടെ - 10
8. സോയാസോസ് - ഒരു വലിയ സ്പൂൺ
ഓയ്സ്റ്റർ സോസ് - രണ്ടു വലിയ സ്പൂൺ
9. ചുവന്ന കാപ്സിക്കം - ഒരു ഇടത്തരം, നീളത്തിൽ അരിഞ്ഞത്
കശുവണ്ടി - 10
പാകം ചെയ്യുന്ന വിധം
∙ മീൻ വൃത്തിയാക്കി തുടച്ച് ഉണക്കിയ ശേഷം ഇഞ്ചി- വെളുത്തുള്ളി പേസ്റ്റ് പുരട്ടി വയ്ക്കുക. പിന്നീട് അൽപം കോൺഫ്ലോർ വിതറി ചൂടായ എണ്ണയിൽ വറുത്തു കോരുക. അധികം മൊരിഞ്ഞു പോകരുത്.
∙ ഒരു സോസ്പാനിൽ എണ്ണ ചൂടാക്കി, ചെറുതീയിൽ വച്ച് വറ്റൽമുളകു വഴറ്റുക.
∙ഇതിലേക്ക് ആറാമത്തെ ചേരുവ ചേർത്തു നന്നായി ഇളക്കിയ ശേഷം ഏഴാമത്തെ ചേരുവ ചേർത്തു വീണ്ടും ഒരു മിനിറ്റ് വഴറ്റണം.
∙പിന്നീട് അൽപം വെള്ളം തളിച്ച ശേഷം ഓയ്സ്റ്റർ സോസും സോയാസോസും ചേർക്കണം.
∙ ഇതിലേക്ക് വറുത്ത മീനും ചേർത്തിളക്കിയ ശേഷം വിളമ്പാനുള്ള പാത്രത്തിലേക്കു മാറ്റി ഒമ്പതാമത്തെ ചേരുവ കൊണ്ട് അലങ്കരിക്കുക.