ലുലാസ് പിക്കാൻഡെ കോൺ കെബോലാസ് വെർഡെ
(ചതച്ച മുളക് മസാല ചേർത്ത കൂന്തൽ വിഭവം)
1. കൂന്തൽ - ഒരു കിലോ
2. ഉപ്പ് - പാകത്തിന്
നാരങ്ങാനീര് - നാലു വലിയ സ്പൂൺ
വെളുത്തുള്ളി അരിഞ്ഞത് - മൂന്നു വലിയ സ്പൂൺ
ഇഞ്ചി അരിഞ്ഞത് - രണ്ടു വലിയ സ്പൂൺ
വറ്റൽമുളക് ചതച്ചത് - നാലു വലിയ സ്പൂൺ
3. ഒലിവ് ഓയിൽ - പാകത്തിന്
4. സ്പ്രിങ് അണിയൻ - രണ്ടു കെട്ട്
പാകം െചയ്യുന്ന വിധം
∙ കൂന്തൽ ഒഴുകുന്ന വെള്ളത്തിൽ കഴുകി വൃത്തിയാക്കി, മഷി സഞ്ചിയും കൊമ്പും കളഞ്ഞു വീണ്ടും നന്നായി കഴുകി വൃത്തിയാക്കുക.
∙ ഇതിൽ രണ്ടാമത്തെ ചേരുവ പുരട്ടി മാറ്റി വയ്ക്കുക.
∙ ഫ്രൈയിങ് പാനിൽ ഒലിവ് ഓയിൽ ചൂടാക്കി, പുരട്ടി വച്ചിരിക്കുന്ന കൂന്തൽ ചേർത്തു വറുക്കുക. കൂന്തൽ ചുരുണ്ടു വരുന്നതാണു കണക്ക്.
∙ കൂന്തൽ പാകത്തിനു വേവുമ്പോൾ, സ്പ്രിങ് അണിയൻ ചേർത്തിളക്കുക. കൂന്തൽ അധികം വെന്തു പോകാതെ ശ്രദ്ധിക്കണം. ഉപ്പും എരിവും പാകത്തിനാണോ എന്നു നോക്കിയ ശേഷം വാങ്ങി ചൂടോടെ വിളമ്പുക.
∙ ഫെനിക്കൊപ്പം വിളമ്പാം.