കബാബ് ഇ ഫിർദോസ്
1. ചിക്കന്റെ തുടഭാഗം – 16
2. എണ്ണ – 50 മില്ലി
ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
ഉപ്പ് – പാകത്തിന്
നാരങ്ങാനീര് – നാലു ചെറിയ സ്പൂൺ
3. കട്ടത്തൈര്, കെട്ടിയിട്ട് വെള്ളം മുഴുവൻ ഊറ്റിക്കളഞ്ഞത് – 100 ഗ്രാം
ടുമാറ്റോ കെച്ചപ്പ് – 50 ഗ്രാം
ഉപ്പ് – പാകത്തിന്
ഇഞ്ചി–വെളുത്തുള്ളി പേസ്റ്റ് – രണ്ടു വലിയ സ്പൂൺ
കശുവണ്ടി ചതച്ചത് – 100 ഗ്രാം
തക്കോലപ്പൊടി – ഒരു ചെറിയ സ്പൂൺ
വറ്റൽമുളക് അരച്ചത് – നാലു വലിയ സ്പൂൺ
4. വെണ്ണ – മൂന്നു വലിയ സ്പൂൺ
5. മല്ലിയില അരിഞ്ഞത് – അഞ്ചു ചെറിയ സ്പൂൺ
പാകം ചെയ്യുന്ന വിധം
∙ ചിക്കനിൽ രണ്ടാമത്തെ ചേരുവ പുരട്ടി ഒരു മണിക്കൂർ വയ്ക്കുക. പിന്നീട് മൂന്നാമത്തെ ചേരുവ ചേർത്തു വീണ്ടും പുരട്ടി വയ്ക്കുക.
∙ പുരട്ടി വച്ച ചിക്കൻ നീളൻ കമ്പികളിൽ കോർത്ത ശേഷം തന്തൂരിൽ ചുട്ടെടുക്കുക. ഇടയ്ക്കിടെ വെണ്ണ തടവിക്കൊടുക്കണം. തന്തൂരിനു പകരം കഷണങ്ങൾ തവയിൽ ചുട്ടാലും മതിയാകും.
∙ തവയിൽ നിന്നെടുത്ത് മല്ലിയിലയും വെണ്ണയും കൊണ്ട് അലങ്കരിച്ചു വിളമ്പുക.