പ്രോൺ ബോൾസ്
1. ചെമ്മീൻ - 600 ഗ്രാം
2. ലൈറ്റ് സോയാസോസ് - രണ്ടു ചെറിയ സ്പൂൺ
എള്ളെണ്ണ - ഒരു ചെറിയ സ്പൂൺ
ഉപ്പ് - അര ചെറിയ സ്പൂൺ
കുരുമുളകുപൊടി - ഒരു നുള്ള്
പഞ്ചസാര - അര ചെറിയ സ്പൂൺ
ടേസ്റ്റിംഗ് പൗഡറോ - ഒരു നുള്ള്
കോൺഫ്ളോർ - ഒരു ചെറിയ സ്പൂൺ മുട്ടവെള്ള - ഒരു മുട്ടയുടെ പകുതിയുടേത്
3. സ്പ്രിങ് അണിയൻ - രണ്ടു തണ്ട്, പൊടിയായി അരിഞ്ഞത്
മല്ലിയില - ഒരു തണ്ട്, പൊടിയായി അരിഞ്ഞത്
4. ഒരു ദിവസം പഴക്കമുള്ള റൊട്ടി - ഒന്നര ലോഫ്, തരുതരുപ്പായി പൊടിച്ചത്
5. എണ്ണ - വറുക്കാൻ ആവശ്യത്തിന്
6. വറ്റൽമുളക് - 12, അരി കളഞ്ഞത്
വെളുത്തുള്ളി - മൂന്ന് അല്ലി, അരിഞ്ഞത്
വെള്ളം - ഒരു കപ്പ്
7. ടുമാറ്റോ സോസ് - രണ്ടു വലിയ സ്പൂൺ
വിനാഗിരി - അര വലിയ സ്പൂൺ
പഞ്ചസാര - അര വലിയ സ്പൂൺ
ഉപ്പ് - കാൽ ചെറിയ സ്പൂൺ
എണ്ണ - ഒരു വലിയ സ്പൂൺ
പാകം ചെയ്യുന്ന വിധം
∙ ചെമ്മീൻ വൃത്തിയാക്കി നന്നായി തുടച്ചുണക്കിയ ശേഷം രണ്ടാമത്തെ ചേരുവ ചേർത്തു മയത്തിൽ അരയ്ക്കണം.
∙ മൂന്നാമത്തെ ചേരുവ ചേർത്തിളക്കിയ ശേഷം അര മണിക്കൂർ ഫ്രിഡ്ജിൽ വയ്ക്കുക.
∙ ഇത് അൽപാൽപം വീതം റൊട്ടിപ്പൊടിയിൽ ചേർത്തു ചെറിയ ഉരുളകളാക്കി, ചൂടായ എണ്ണയിൽ കരിഞ്ഞു പോകാതെ വറുത്തുകോരുക. (ഭംഗിക്കു വേണ്ടി, ഇതിനു നടുവിൽ തൊണ്ടു കളഞ്ഞ ഒരു ചെമ്മീൻ വാലോടുകൂടി വച്ച് അതിനു ചുറ്റിനുമായി ചെമ്മീൻ മിശ്രിതം കൊണ്ടു ബോളുണ്ടാക്കാം).
∙ ചൂടോടെ ചില്ലിസോസിനൊപ്പം വിളമ്പാം.
∙ ചില്ലിസോസ് തയാറാക്കാൻ ആറാമത്തെ ചേരുവ യോജിപ്പിച്ചു മിക്സിയിൽ അടിക്കുക. ഇതു സോസ്പാനിലാക്കി ഏഴാമത്തെ ചേരുവയും ചേർത്ത് അടുപ്പത്തു വച്ചു തിളപ്പിക്കുക.
∙ ചൂടാറിയ ശേഷം ഗ്ലാസ് ജാറിൽ ഒഴിച്ചു സൂക്ഷിക്കാം.