ചെമ്മീൻ റോസ്റ്റ്
1.ചെമ്മീൻ – ഒരു കിലോ, തൊണ്ടും നാരും കളഞ്ഞത്
2.ഇഞ്ചി–വെളുത്തുള്ളി–പച്ചമുളക് പേസ്റ്റ് – ഒരു വലിയ സ്പൂൺ
ഉപ്പ് – പാകത്തിന്
നാരങ്ങാനീര് – ഒരു നാരങ്ങയുടേത്
കാശ്മീരി മുളകുപൊടി – ഒരു വലിയ സ്പൂൺ
മഞ്ഞൾപ്പൊടി – അര ചെരിയ സ്പൂൺ
മല്ലിപ്പൊടി – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
3.വെണ്ണ – മൂന്നു വലിയ സ്പൂൺ
4.ചുവന്നുള്ളി – 10, ചതച്ചത്
ഇഞ്ചി, നീളത്തിൽ അരിഞ്ഞത് – ഒരു വലിയ സ്പൂൺ
വെളുത്തുള്ളി ചതച്ചത് – 6-7 അല്ലി
പച്ചമുളക് – 2, നീളത്തിൽ അരിഞ്ഞത്
5.കറിവേപ്പില – രണ്ടു തണ്ട്
വറ്റൽമുളക് ചതച്ചത് – അര വലിയ സ്പൂൺ
പാകം ചെയ്യുന്ന വിധം
∙ചെമ്മീൻ നന്നായി കഴുകി വെള്ളം വാലാൻ വയ്ക്കുക.
∙ഇതിലേക്ക് രണ്ടാമത്തെ ചേരുവ ചേർത്തു നന്നായി യോജിപ്പിച്ച് അര മണിക്കൂർ വയ്ക്കുക.
∙പാനിൽ വെണ്ണ ചൂടാക്കി നാലാമത്തെ ചേരുവ ചേർത്തു വഴറ്റുക.
∙ഇതിലേക്കു ചെമ്മീൻ ചേർത്തു നന്നായി ഇളക്കി യോജിപ്പിച്ചു മൂന്നു മിനിറ്റ് വേവിക്കുക.
∙ശേഷം കറിവേപ്പിലയും വറ്റൽമുളക് ചതച്ചതും ചേർത്തു നന്നായി ഇളക്കി യോജിപ്പിച്ച് ചൂടോടെ വിളമ്പാം.
