ക്വിക്ക് ചിക്കൻ ബിരിയാണി
1. കോഴി – ഒരു ഇടത്തരം, (ഇടത്തരം കഷണങ്ങൾ ആക്കിയത്)
സവാള – ഒരു വലുത്, കനംകുറച്ചരിഞ്ഞത്
തക്കാളി - മൂന്നു വലുത്, ചതുരക്കഷണങ്ങളാക്കിയത്
പച്ചമുളക് - നാല്, അരിഞ്ഞത്
ഇഞ്ചി – വെളുത്തുള്ളി അരച്ചത്- ഒരു വലിയ സ്പൂൺ, വടിച്ച്
ഗ്രാമ്പൂ, ഏലയ്ക്ക, കറുവപ്പട്ട എന്നിവ പൊടിച്ചത്- അര ചെറിയ സ്പൂൺ
മുളകുപൊടി – ഒന്നര ചെറിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
മല്ലിയില അരിഞ്ഞത് - 150 ഗ്രാം
പുതിനയില അരിഞ്ഞത് - 50 ഗ്രാം
തൈര് – ഒരു കപ്പ്
ഉപ്പ്- പാകത്തിന്
2. എണ്ണ – ഒരു വലിയ സ്പൂൺ
നെയ്യ്- ഒരുവലിയസ്പൂൺ
3. ഗ്രാമ്പൂ, ഏലയ്ക്ക - നാലു വീതം
വഴനയില - ഒന്ന്
4. സവാള – ഒരു ഇടത്തരം, കനംകുറച്ച് അരിഞ്ഞത്
5. ബസ്മതി അരി – മൂന്നു – മൂന്നര കപ്പ്
6. നാരങ്ങാനീര് – ഒരു നാരങ്ങയുടേത്
7. സവാള, കശുവണ്ടി, ഉണക്കമുന്തിരി എന്നിവ വറുത്തത് - അലങ്കരിക്കാൻ
പാകം െചയ്യുന്ന വിധം
∙ ഒന്നാമത്തെ ചേരുവ കൈകൊണ്ട് ഞെരടി യോജിപ്പിച്ച് അൽപംപോലും വെള്ളം ചേർക്കാതെ അടുപ്പിൽ വച്ച്, ചെറുതീയിൽ വേവിക്കുക.
∙ കോഴിക്കഷണങ്ങൾ പകുതി വേവാകുമ്പോൾ തീ അണയ്ക്കുക.
∙ ഒരു പ്രഷർകുക്കർ അടുപ്പത്തു വച്ച് എണ്ണയും നെയ്യും ചൂടാക്കി ഗ്രാമ്പൂ, ഏലയ്ക്ക, വഴനയില എന്നിവ വഴറ്റുക.
∙ ഇതിൽ സവാള ചേർത്തു വഴറ്റുക.
∙ സവാള ഇളംബ്രൗൺ നിറമാകുമ്പോൾ അരി ചേർത്തു നന്നായി വറുക്കുക. അരി നന്നായി വെളുത്തു വരുമ്പോൾ തീ കുറച്ച ശേഷം ചിക്കൻ കഷണങ്ങൾ ചേർക്കുക.
∙ ഇതിലേക്ക് ആറേഴു കപ്പ് ചൂടുവെള്ളം (ചിക്കൻ ഗ്രേവി ഉൾപ്പടെ) ചേർത്ത ശേഷം നന്നായി യോജിപ്പിക്കുക.
∙ നാരങ്ങാനീരു ചേർത്ത് ഉപ്പു പാകത്തിനാക്കുക.
∙ കുക്കർ അടച്ച്, ആവി നന്നായി വന്ന ശേഷം വെയിറ്റ് വച്ച്, ചെറുതീയിൽ കൃത്യം അഞ്ചുമിനിറ്റ് വയ്ക്കുക.
∙ അടുപ്പിൽ നിന്നു വാങ്ങി, വീണ്ടും അഞ്ചു മിനിറ്റ് അനക്കാതെ വയ്ക്കുക.
∙ സവാള, കശുവണ്ടി, ഉണക്കമുന്തിരി എന്നിവ വറുത്തതു കൊണ്ട് അലങ്കരിച്ചു ചൂടോടെ വിളമ്പുക.