ഷിക്കമ്പൂർ കബാബ്
1. എണ്ണ – രണ്ടു ചെറിയ സ്പൂൺ
നെയ്യ് – നാലു ചെറിയ സ്പൂൺ
2. ഗരംമസാല മുഴുവനോടെ – ഒരു ചെറിയ സ്പൂൺ
കുരുമുളകുമണി – ഒരു ചെറിയ സ്പൂൺ
3. മട്ടൺ എല്ലില്ലാതെ ചതുരക്കഷണങ്ങളാക്കിയത് – അരക്കിലോ
ഇഞ്ചി–വെളുത്തുള്ളി അരച്ചത് – ഒരു വലിയ സ്പൂൺ
പച്ചമുളക് – ഒരു ചെറിയ സ്പൂൺ
4. മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
5. വെള്ളം – 200 മില്ലി
കടലപ്പരിപ്പ് ( രണ്ടുമണിക്കൂർ കുതിർത്തത്) – 75 ഗ്രാം
സ്റ്റഫിങ്ങിന്
6. കട്ടത്തൈര് (കെട്ടിത്തൂക്കി വെള്ളം കളഞ്ഞത്) – 50 ഗ്രാം
പുതിനയില – ഒരു ചെറിയ സ്പൂൺ
മല്ലിയില അരിഞ്ഞത് – രണ്ടു ചെറിയ സ്പൂൺ
സവാള വറുത്തത് – നാലു ചെറിയ സ്പൂൺ
സവാള പൊടിയായി അരിഞ്ഞത് – രണ്ടു ചെറിയ സ്പൂൺ
ഉപ്പ് – പാകത്തിന്
7. നെയ്യ് – വറുക്കാൻ ആവശ്യത്തിന്
പാകം ചെയ്യുന്ന വിധം
∙എണ്ണയും നെയ്യും ചുവടുകട്ടിയുള്ള ചീനച്ചട്ടിയിലാക്കി ഗരംമസാലയും കുരുമുളകും പൊട്ടിക്കുക.
∙ഇതിലേക്ക് മൂന്നാമത്തെ ചേരുവ ചേർത്തു വഴറ്റി മട്ടണിൽ നിന്നു വെള്ളം ഇറങ്ങും വരെ വേവിക്കുക.
∙ഇതിലേക്കു നാലാമത്തെ ചേരുവ ചേർത്തിളക്കി വെള്ളം ചേർത്ത് ഒരുമണിക്കൂർ ചെറു തീയിൽ വേവിക്കുക. ഇറച്ചി മൃദുവായ ശേഷം കുതിർത്ത കടലപ്പരിപ്പു ചേർക്കുക.
∙വീണ്ടും 30 മിനിറ്റ് വേവിക്കുക.
∙അടുപ്പിൽ നിന്നു വാങ്ങി ചൂടാറിയ ശേഷം മിക്സിയിൽ അരയ്ക്കുക.
∙ഇനി ആറാമത്തെ ചേരുവ യോജിപ്പിച്ചു സ്‌റ്റഫിങ് തയാറാക്കുക.
∙അരച്ച മിശ്രിതം 30 ഗ്രാം വീതമുള്ള ഉരുളകളാക്കുക.
∙ഒാരോ ബോളിലും സ്‌റ്റഫിങ് നിറച്ച് ഉരുട്ടുക. മെല്ലേ പരത്തി നെയ്യിൽ വറുക്കുക.
∙ചൂടോടെ വിളമ്പുക.
