സിങ്കപ്പൂർ ചില്ലി ക്രാബ്
1. ഞണ്ട് - 750 ഗ്രാം (ഏകദേശം ആറെണ്ണം)
2. കോൺഫ്ളോർ - പാകത്തിന്
3. എണ്ണ - വറുക്കാൻ പാകത്തിന് + മൂന്നു വലിയ സ്പൂൺ
4. തായ് റെഡ്ചില്ലി, പൊടിയായി അരിഞ്ഞത് - ഒരു വലിയ സ്പൂൺ
ഇല്ലെങ്കിൽ പച്ചമുളക് - രണ്ടു വലിയ സ്പൂൺ
വെളുത്തുള്ളി പൊടിയായി അരിഞ്ഞത് - 30 ഗ്രാം
സ്പ്രിങ് അണിയൻ പൊടിയായി അരിഞ്ഞത് - 30 ഗ്രാം
5. വെള്ളം - മൂന്നു വലിയ സ്പൂൺ
നാരങ്ങാനീര് - ഒരു ചെറിയ സ്പൂൺ
സോയാസോസ് - ഒരു വലിയ സ്പൂൺ
ഓയ്സ്റ്റർ സോസ് - ഒരു വലിയ സ്പൂൺ
ടുമാറ്റോ കെച്ചപ്പ് - ഏഴു വലിയ സ്പൂൺ
പഞ്ചസാര - ഒരു ചെറിയ സ്പൂൺ
പാകം ചെയ്യുന്ന വിധം
∙ ഞണ്ട് വൃത്തിയാക്കി, വലിയ കഷണങ്ങളാക്കുക.
∙ ഇതിൽ അൽപം കോൺഫ്ലോർ വിതറി, ചൂടായ എണ്ണയിൽ വറുത്തു കോരുക. അധികമുള്ള എണ്ണ തുടച്ചു കളഞ്ഞു വയ്ക്കുക.
∙ എണ്ണ ചൂടാക്കി നാലാമത്തെ ചേരുവ യഥാക്രമം ചേർത്ത് ഇടത്തരം തീയിൽ വച്ചു രണ്ടു മൂന്നു മിനിറ്റ് വഴറ്റുക.
∙ വഴന്ന ശേഷം അഞ്ചാമത്തെ ചേരുവ ചേർത്തു നന്നായി ഇളക്കി യോജിപ്പിക്കുക.
∙ ഇതിലേക്കു വറുത്തു വച്ചിരിക്കുന്ന ഞണ്ടും ചേർത്തിളക്കി വഴറ്റുക.
∙ ഇഷ്ടമാണെങ്കിൽ ഒരു മുട്ട അടിച്ചതും ചേർത്തിളക്കി വാങ്ങുക. ചൂടുചോറിനൊപ്പം വിളമ്പാം.
