Thursday 02 May 2019 05:17 PM IST : By സ്വന്തം ലേഖകൻ

വറുത്തരച്ച കടലക്കറിക്കൊപ്പം സോഫ്റ്റ് പൊൻകതിർ പുട്ട്

ponkathir

1. പൊൻകതിർ പുട്ടുപൊടി  – ഒരു ഗ്ലാസ്

2. ഉപ്പ് – പാകത്തിന്

3. തേങ്ങാ ചുരണ്ടിയത് – പാകത്തിന്

പാകം ചെയ്യുന്ന വിധം

∙ 1 ഗ്ലാസ് പൊൻകതിർ പുട്ടുപൊടിയിൽ 1 ഗ്ലാസ് വെള്ളവും , ആവശ്യത്തിന് ഉപ്പും , തേങ്ങ ചുരണ്ടിയതും േചർത്ത് കുഴച്ച് 20 മിനിറ്റ് വയ്ക്കുക. 

∙ശേഷം കൈകൊണ്ടു പൊടിച്ച് ചുരണ്ടിയ തേങ്ങ ആവശ്യാനുസരണം ഇട്ട് , 5 മിനിറ്റ് ആവിയിൽ വേവിക്കുക.

∙ കടലക്കറിക്കൊപ്പം ചൂടോടെ വിളമ്പാം.

വറുത്തരച്ച കടലക്കറി

1. കടല – ഒരു കപ്പ്, എട്ടു മണിക്കൂർ വെള്ളത്തിൽ കുതിർത്തത്

തേങ്ങാക്കൊത്ത് – അരക്കപ്പ്

ഉപ്പ് – പാകത്തിന്

2. തേങ്ങ – അരമുറി, ചുരണ്ടിയത്

വറ്റൽമുളക് – 10, കഷണങ്ങളാക്കിയത്

മല്ലി – ഒരു വലിയ സ്പൂൺ

കുരുമുളകുമണി – ഒരു ചെറിയ സ്പൂൺ

കറുവാപ്പട്ട – ഒരു ചെറിയ കഷണം

ഗ്രാമ്പൂ – ഒന്ന്

ഏലയ്ക്ക – ഒന്ന്

വെളുത്തുള്ളി – രണ്ട് വലിയ അല്ലി

ചുവന്നുള്ളി – രണ്ട്, രണ്ടാക്കി മുറിച്ചത്

3. മഞ്ഞൾപൊടി – അര ചെറിയ സ്പൂൺ

പെരുംജീരകം പൊടിച്ചത് – അര ചെറിയ സ്പൂൺ

4. വെളിച്ചെണ്ണ – രണ്ടു വലിയ സ്പൂണ്‍‌

5. കടുക് – ഒരു ചെറിയ സ്പൂൺ

വറ്റൽമുളക് – മൂന്ന്, രണ്ടാക്കി മുറിച്ചത്

കറിവേപ്പില – രണ്ടു തണ്ട്

പാകം ചെയ്യുന്ന വിധം

∙ കടലയും തേങ്ങാക്കൊത്തും ഉപ്പും ചേർത്ത്  ഒരു പ്രഷർ കുക്കറിലാക്കി വേവിക്കുക.

∙ തേങ്ങ ചുരണ്ടിയത്. വറ്റൽമുളക്, മല്ലി, കുരുമുളകുമണി, കറുവാപ്പട്ട, ഗ്രാമ്പൂ, ഏലയ്ക്ക, വെളുത്തുള്ളി, ചുവന്നുള്ളി എന്നിവ ഒരു പാനിലാക്കി എണ്ണയൊഴിക്കാതെ മൂപ്പിക്കുക. 

∙ തേങ്ങ മൂത്തു നിറം മാറിത്തുടങ്ങുമ്പോൾ അടുപ്പിൽ നിന്നു വാങ്ങി മഞ്ഞൾപൊടിയും പെരുംജീരകം പൊടിച്ചതും ചേർത്ത് ഇളക്കുക. അധികം മൂപ്പിക്കരുത്.

∙ ഈ മിശ്രിതം മിക്സിയിലാക്കി അൽപം വെള്ളം ചേർത്ത് അരച്ചെടുക്കുക.

∙ വെന്ത കടലയിലേക്ക് അരപ്പു ചേർത്ത്, ഉപ്പ് പാകത്തിനാക്കി തിളപ്പിക്കുക. ചാറ് കുറുകി വരണം.

∙ ഒരു പാനിൽ വെളിച്ചെണ്ണ ചൂടാക്കി കടുക്, വറ്റൽമുളക്, കറിവേപ്പില എന്നിവ യഥാക്രമം ചേർത്ത് മൂപ്പിച്ച് കടലക്കറിയിൽ ചേർത്തിളക്കി പൊൻകതിർ പുട്ടിനൊപ്പം വിളമ്പാം.

https://www.facebook.com/PonkathirNo1/

http://www.ponkathir.com/