1. ചിക്കൻ – ഒരു കിലോ
2. നാരങ്ങാനീര് – പാകത്തിന്
ഉപ്പ് – പാകത്തിന്
3. കശ്മീരിമുളക് – 15–20, ചൂടുവെള്ളത്തിൽ 15 മിനിറ്റ് കുതിർത്തത്
4. ചുവന്നുള്ളി – അരക്കപ്പ്
പച്ചമുളക് – രണ്ട്
തക്കാളി – ഒരു വലുത്, ചതുരക്കഷണങ്ങളാക്കിയത് അല്ലെങ്കിൽ രണ്ടു വലിയ സ്പൂൺ തക്കാളി പേസ്റ്റ്
വെളുത്തുള്ളി – ആറ്–ഏഴ് അല്ലി
ഇഞ്ചി – രണ്ടിഞ്ചു കഷണം
പനംകൽക്കണ്ടം/ചക്കര – ഒരു ചെറിയ കഷണം
കാൻഡിൽ നട്ട് – മൂന്ന് (ആവശ്യമെങ്കിൽ)
5. എണ്ണ – അല‍്‍പം
6. ഉപ്പ് – പാകത്തിന്
7. എണ്ണ – കാൽ കപ്പ്
8. മല്ലിയില – പാകത്തിന്
പാകം ചെയ്യുന്ന വിധം
∙ ചിക്കൻ ഇടത്തരം കഷണങ്ങളാക്കി നാരങ്ങാനീരും ഉപ്പും പുരട്ടി വയ്ക്കുക.
∙ കുതിർത്തു വച്ചിരിക്കുന്ന കശ്മീരിമുളകു ഊറ്റിയെടുത്ത് നാലാമത്തെ ചേരുവയുമായി യോജിപ്പിച്ച് അരയ്ക്കുക.
∙ ഒരു പാനിൽ അൽപം എണ്ണ ചൂടാക്കി അരച്ച മിശ്രിതവും ഉപ്പും ചേർത്തു എണ്ണ തെളിയും വരെ വഴറ്റുക. ഇതാണു സമ്പാൽ മിശ്രിതം. ഉടനെ ഉപയോഗിക്കുന്നില്ലെങ്കിൽ അടുപ്പിൽ നിന്നു വാങ്ങി ചൂടാറിയശേഷം വൃത്തിയാക്കിയ കുപ്പിയിലാക്കി അടച്ചു സൂക്ഷിക്കാം.
∙ ഒരു കുഴിവുള്ള പാനിൽ എണ്ണ ചൂടാക്കി ആവശ്യത്തിനു സമ്പാൽ മിശ്രിതം ചേർത്തു മൂന്നു മിനിറ്റ് വഴറ്റുക.
∙ ഇതിലേക്കു ചിക്കൻ കഷണങ്ങള‍്‍ ചേർത്ത് ഏകദേശം രണ്ടു മിനിറ്റ് ഇളക്കണം.
∙ കാൽ കപ്പ് വെള്ളം കൂടി ചേർത്തു ചെറു തീയിലാക്കി മൂടി വച്ചു ചിക്കൻ വേവിക്കുക. ഇടയ്ക്കിടെ ഇളക്കി കൊടുക്കണം. ചാറു കുറുകി കഷണങ്ങളിൽ പൊതിഞ്ഞിരിക്കുന്നതാണു പാകം.
∙ പാകത്തിനുപ്പു ചേർത്തു വെള്ളം നന്നായി വറ്റിയശേഷം രണ്ടു മിനിറ്റ് കൂടി ഇളക്കി ചിക്കൻ വരട്ടിയെടുക്കണം.
∙ മല്ലിയില വിതറി റോട്ടിക്കൊ ബിരിയാണിക്കൊ ഒപ്പം വിളമ്പാം.
മറുനാടൻ മലയാളികള്‍ പ്രിയ വിഭവങ്ങൾ പങ്കു വയ്ക്കുന്ന പംക്തി. ഇത്തവണ സമ്പാൽ ചിക്കൻ- ഷൈനി സജിത്, സൗത്ത് ആഫ്രിക്ക
അടുക്കളയിൽ പരീക്ഷിച്ചു വിജയിച്ച പാചകക്കുറിപ്പുകൾ, വിഭവങ്ങളുെട േഫാേട്ടാ, ഒപ്പം രചയിതാവിെന്‍റ വിലാസവും പാസ്േപാര്‍ട്ട് െെസസ്ചിത്രവും അയച്ചു തരിക. എളുപ്പം തയാറാക്കാവുന്നതും രുചികരവുമായ പാചകക്കുറിപ്പുകൾ ‘വനിത’യിൽ പ്രസിദ്ധപ്പെടുത്തും. അയയ്ക്കേണ്ട വിലാസം vanithadesk@mmp.in ഫോട്ടോ JPEG file ആയി അയയ്ക്കുക.
