ടുമാറ്റോ–റെഡ് പെപ്പർ സൂപ്പ്
1.നന്നായി പഴുത്ത തക്കാളി – 10
ചുവന്ന കാപ്സിക്കം – രണ്ട്
2.എണ്ണ – മൂന്നു വലിയ സ്പൂൺ
3.സവാള – ഒന്ന്, ചെറുതായി അരിഞ്ഞത്
വെളുത്തുള്ളി – നാല് അല്ലി, ചെറുതായി അരിഞ്ഞത്
സെലറിത്തണ്ട് – ഒന്ന്, അരിഞ്ഞത്
4.ഉപ്പ്, പഞ്ചസാര, കുരുമുളകുപൊടി – പാകത്തിന്
5.ബേസിൽ ലീവ്സ് (രാമതുളസിയില) – 10
6.ഫ്രെഷ് ക്രീം – അലങ്കരിക്കാൻ
പാകം ചെയ്യുന്ന വിധം
തക്കാളിയും കാപ്സിക്കവും ചെറിയ കഷണങ്ങളാക്കി വയ്ക്കണം.
പാനിൽ എണ്ണ ചൂടാക്കി, മൂന്നാമത്തെ ചേരുവ വഴറ്റുക
സവാളയുടെ നിറം മാറും മുമ്പു ഒന്നാമത്തെ ചേരുവ ചേർത്തു നന്നായി വഴറ്റുക.
ഇതിലേക്ക് ഉപ്പും പഞ്ചസാരയും കുരുമുളകുപൊടിയും പാകത്തിനു ചേർത്തിളക്കണം.
നികക്കെ വെള്ളമൊഴിച്ചു വേവിക്കുക.
വെന്തശേഷം രാമതുളസിയിലയും ചേർത്തിളക്കി വാങ്ങി മിക്സിയിൽ അടിച്ചെടുക്കുക.
വിളമ്പാനുള്ള പാത്രത്തിലാക്കി ഫ്രഷ് ക്രീമും രാമതുളസിയിലയും കൊണ്ടലങ്കരിച്ചു വിളമ്പാം.
കടപ്പാട്
രാജീവ് മേനോൻ