ഫിഷ് മോലി
1.കരിമീൻ – അരക്കിലോ
2.കുരുമുളകുപൊടി – അര ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
3.വെളിച്ചെണ്ണ – വറുക്കാൻ ആവശ്യത്തിന്
4.കുരുമുളകു മുഴുവനോടെ – അര ചെറിയ സ്പൂൺ
ഇഞ്ചി – ഒരിഞ്ചു കഷണം, ചതച്ചത്
വെളുത്തുള്ളി – മൂന്ന് അല്ലി, അരിഞ്ഞത്
പച്ചമുളക് – മൂന്ന്, അരിഞ്ഞത്
5.സവാള – ഒന്ന്, അരിഞ്ഞത്
6.തേങ്ങ ചുരണ്ടി പിഴിഞ്ഞെടുത്ത
ഒന്നാം പാൽ – അരക്കപ്പ്
രണ്ടാം പാൽ – മുക്കാൽ കപ്പ്
7.ഉപ്പ് – പാകത്തിന്
8.തക്കാളി – ഒരു വലുത്, വട്ടത്തിൽ അരിഞ്ഞത്
കറിവേപ്പില – രണ്ടു തണ്ട്
9.കോൺഫ്‌ളവർ/കശുവണ്ടി അരച്ചത് – രണ്ടു ചെറിയ സ്പൂൺ
പാകം ചെയ്യുന്ന വിധം
∙മീൻ വെട്ടിക്കഴുകി വൃത്തിയാക്കി, രണ്ടാമത്തെ ചേരുവ പുരട്ടി അര മണിക്കൂർ വയ്ക്കണം.
∙പുരട്ടിവച്ച മീൻ അൽപം എണ്ണയിൽ രണ്ടോ മൂന്നോ മിനിറ്റ് വറുത്തെടുക്കുക.
∙ഒരു പാനിൽ എണ്ണ ചൂടാക്കി നാലാമത്തെ ചേരുവ വഴറ്റുക.
∙പച്ചമണം മാറുമ്പോൾ സവാള ചേർത്തു വഴറ്റി, വാടിത്തുടങ്ങുമ്പോൾ രണ്ടാം പാൽ ചേർത്തു തിളപ്പിക്കുക.
∙തിളയ്ക്കുന്ന തേങ്ങാപ്പാലിലേക്കു മീൻ വറുത്തതും ഉപ്പും ചേർത്തിളക്കി ഗ്രേവി അൽപം കുറുകി വരുമ്പോൾ തക്കാളിയും കറിവേപ്പിലയും ചേർത്തിളക്കുക.
∙ഒന്നു തിളച്ചശേഷം ഒന്നാം പാൽ ചേർത്തിളക്കി വാങ്ങുക. ഗ്രേവി കുറുകാൻ ഏറ്റവും ഒടുവിൽ കേൺഫ്‌ളവറോ കശുവണ്ടി അരച്ചതോ അൽപം തേങ്ങാപ്പാലിൽ കുറുകെ കലക്കി ചേർക്കുക.
