ചോളത്തിന്റെ മധുരവും അതിൽ ചേരുന്ന തക്കാളി-ഉള്ളി ഗ്രേവിയുടെ എരിവും ഒത്തുചേരുമ്പോൾ കിട്ടുന്ന ഒരു കിടിലൻ നോർത്ത് ഇന്ത്യൻ വിഭവമാണ് കോൺ കി സബ്ജി.
ആവശ്യമായ ചേരുവകൾ
1. കോൺ– രണ്ട് എണ്ണം
2. തേങ്ങ– ഒന്ന്
3. മല്ലിയില – ഒരു കെട്ട്
പുതിനയില – 100 ഗ്രാം
4. എണ്ണ – പാകത്തിന്
5. സവാള – രണ്ടു വലുത്, പൊടിയായി അരിഞ്ഞത്
6. തക്കാളി – രണ്ട് വലുത്, പൊടിയായി അരിഞ്ഞത്
7. വെളുത്തുള്ളി അരച്ചത്– രണ്ടു ചെറിയ സ്പൂൺ
8. മുളകുപൊടി – ഒരു ചെറിയ സ്പൂൺ
മല്ലിപ്പൊടി –അര ചെറിയ സ്പൂൺ
മഞ്ഞൾപ്പൊടി –അര ചെറിയ സ്പൂൺ
ജീരകംപൊടി –അര ചെറിയ സ്പൂൺ
ഉപ്പ് –പാകത്തിന്
പാകം ചെയ്യുന്ന വിധം
∙ കോൺ വൃത്തിയാക്കി കഷണങ്ങളാക്കി വയ്ക്കണം.
∙ തേങ്ങ ചുരണ്ടി പകുതി അരച്ചു വയ്ക്കണം. ബാക്കി പകുതി ചുരണ്ടിപ്പിഴിഞ്ഞു തേങ്ങാപ്പാൽ എടുത്തു വയ്ക്കണം.
∙ ചുരണ്ടി വച്ചിരിക്കുന്ന തേങ്ങ, മല്ലിയിലയും പുതിനയിലയും പാകത്തിനുപ്പും ചേർത്ത് അരച്ചു വയ്ക്കുക.
∙ എണ്ണ ചൂടാക്കി സവാള ചേര്ത്തു വഴറ്റിയ ശേഷം തക്കാളി ചേർത്തിളക്കുക.
∙ ഇതിലേക്കു വെളുത്തുള്ളി അരച്ചതും ചേർത്തു വഴറ്റിയ ശേഷം എട്ടാമത്തെ ചേരുവ ചേർത്തു നന്നായി വഴറ്റണം.
∙ പച്ചമണം മാറുമ്പോൾ തേങ്ങ അരച്ച കൂട്ടു ചേർത്തിളക്കുക.