ചേന മെഴുക്കുപുരട്ടി
1.ചേന – 300 ഗ്രാം, നീളത്തിൽ കനം കുറച്ച് അരിഞ്ഞത്
ഉപ്പ്, വെള്ളം – പാകത്തിന്
2.എണ്ണ – നാലു വലിയ സ്പൂൺ
3.കറിവേപ്പില – അഞ്ച് ഇതൾ
4.വെളുത്തുള്ളി – ഒരു കുടം
5.മുളകുപൊടി – ഒരു വലിയ സ്പൂൺ
കുരുമുളകുപൊടി – ഒന്നര വലിയ സ്പൂൺ
പാകം ചെയ്യുന്ന വിധം
∙ചേന ഉപ്പും നികക്കെ വെള്ളവും ചേർത്തു പകുതി പാകം വേവിക്കുക. അധികമുള്ള വെള്ളം കളഞ്ഞ ശേഷം മാറ്റി വയ്ക്കണം.
∙ചട്ടിയിൽ എണ്ണ ചൂടാക്കി കറിവേപ്പില ചേർത്ത ശേഷം വെളുത്തുള്ളി ചേർത്തു മൂപ്പിക്കുക.
∙ഇതിലേക്ക് ചേനയും മുളകുപൊടിയും കുരുമുളകുപൊടിയും ചേർത്തു നന്നായി വരട്ടിയെടുക്കുക.
∙ചോറിനൊപ്പം ചൂടോടെ വിളമ്പാം.
