ചില്ലി പൊട്ടേറ്റോ
1.ഉരുളക്കിഴങ്ങ് – മൂന്ന്
2.മൈദ – രണ്ടു വലിയ സ്പൂൺ
കോൺഫ്ളോർ – രണ്ടു വലിയ സ്പൂൺ
ഉപ്പ് – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
സോഡ – അരക്കപ്പ്
3.എണ്ണ – വറുക്കാൻ ആവശ്യത്തിന്
4.വെളുത്തുള്ളി പൊടിയായി അരിഞ്ഞത് – ഒരു വലിയ സ്പൂൺ
ഇഞ്ചി പൊടിയായി അരിഞ്ഞച്
പച്ചമുളക് – രണ്ട്, പൊടിയായി അരിഞ്ഞത്
5.സോയ സോസ് – ഒരു ചെറിയ സ്പൂൺ
ടുമാറ്റോ സോസ് – രണ്ടു വലിയ സ്പൂൺ
ചില്ലി സോസ് – ഒരു വലിയ സ്പൂൺ
ഷെസ്വാൻ സോസ് – ഒരു വലിയ സ്പൂൺ
വെള്ളം – കാൽ കപ്പ്
6.പഞ്ചസാര – ഒരു ചെറിയ സ്പൂൺ
സ്പ്രിങ് അണിയൻ അരിഞ്ഞത് – ഒരു വലിയ സ്പൂൺ
7.വെളുത്ത എള്ള് – ഒരു ചെറിയ സ്പൂൺ
സ്പ്രിങ് അണിയൻ അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙ഉരുളക്കിഴങ്ങു തൊലി കളഞ്ഞു കാലിഞ്ചു വലുപ്പത്തിൽ നീളത്തിൽ അരിഞ്ഞു വയ്ക്കണം.
∙ഒരു ബൗളിൽ രണ്ടാമത്തെ ചേരുവ യോജിപ്പിച്ചു ബാറ്റർ തയാറാക്കുക.
∙ഉരുളക്കിഴങ്ങു കഷണങ്ങൾ ബാറ്ററിൽ മുക്കി ചൂടായ എണ്ണയിൽ വറുത്തു കോരി മാറ്റി വയ്ക്കുക.
∙പാനിൽ രണ്ടു വലിയ സ്പൂൺ എണ്ണ ചൂടാക്കി നാലാമത്തെ ചേരുവ വഴറ്റണം.
∙പച്ചമണം മാറുമ്പോൾ അഞ്ചാമത്തെ ചേരുവയും ചേർത്തിളക്കി തിളപ്പിക്കുക.
∙കുറുകി വരുമ്പോൾ വറുത്തു വച്ചിരിക്കുന്ന ഉരുളക്കിഴങ്ങും ചേർത്തിളക്കണം.
∙ആറാമത്തെ ചേരുവ ചേർത്തിളക്കി വാങ്ങാം.
∙എള്ളും സ്പ്രിങ് അണിയനും കൊണ്ട് അലങ്കരിച്ചു വിളമ്പാം.
