ചുരയ്ക്ക കടലപ്പരിപ്പു കറി
1.കടലപ്പരിപ്പ് – ഒരു കപ്പ്
ചുരയ്ക്ക ഒരിഞ്ചു വലുപ്പത്തിൽ കഷണങ്ങളാക്കിയത് – 250 ഗ്രാം
സവാള – ഒന്ന്, പൊടിയായി അരിഞ്ഞത്
ഇഞ്ചി – അരയിഞ്ചു കഷണം, പൊടിയായി അരിഞ്ഞത്
വെളുത്തുള്ളി – നാല് അല്ലി, പൊടിയായി അരിഞ്ഞത്
പച്ചമുളക് – മൂന്ന്, അരി കളഞ്ഞു നീളത്തിൽ അരിഞ്ഞത്
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ്, വെള്ളം – പാകത്തിന്
2.നെയ്യ് – ഒന്നര വലിയ സ്പൂൺ
3.ജീരകം – മുക്കാൽ ചെറിയ സ്പൂൺ
4.കായംപൊടി – ഒരു നുള്ള്
5.തക്കാളി – ഒന്ന്, പൊടിയായി അരിഞ്ഞത്
6.കാശ്മീരി മുളകുപൊടി – അര ചെറിയ സ്പുൺ
7.മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
ഒന്നാമത്തെ ചേരുവ യോജിപ്പിച്ചു കുക്കറിൽ വേവിച്ചു ചെറുതായി ഉടച്ചു വയ്ക്കുക.
പാനിൽ നെയ്യ് ചൂടാക്കി ജീരകം മൂപ്പിച്ച ശേഷം കായംപൊടിയും ചേർത്തിളക്കുക.
ഇതിലേക്കു തക്കാളി ചേർത്തു വഴറ്റി മുളകുപൊടിയും ചേർത്തിളക്കി വഴറ്റി വാങ്ങി വയ്ക്കുക.
വിളമ്പാനുള്ള പാത്രത്തിൽ വേവിച്ചുടച്ച കറി ഒഴിച്ച് അതിനു മുകളിൽ തക്കാളി മിശ്രിതം ഒഴിച്ച് മല്ലിയില അരിഞ്ഞതു കൊണ്ട് അലങ്കരിച്ചു വിളമ്പുക.