ഈസി പനീർ ഫ്രൈ
1.ഒരിഞ്ചു കനമുള്ള പനീർ ക്യൂബ്സ് – 200 ഗ്രാം
2.ഗരംമസാല – അര ചെറിയ സ്പൂൺ
3.മുളകുപൊടി – രണ്ടു ചെറിയ സ്പൂൺ
4.ചിക്കൻ മസാല – ഒരു ചെറിയ സ്പൂൺ
5.ഉപ്പ് – പാകത്തിന്
6.സവാള – മൂന്ന്, ചെറിയ ചതുരക്കഷണങ്ങളാക്കിയത്
7.എണ്ണ – ഒരു വലിയ സ്പൂൺ
പാകം ചെയ്യുന്ന വിധം
∙രണ്ടു മുതൽ അഞ്ചുവരെയുള്ള ചേരുവകൾ അല്പം വെള്ളം ചേർത്തു കുഴമ്പു പരുവത്തിലാക്കുക. ഇതു പനീറിൽ പുരട്ടി 15 മിനിറ്റ് വയ്ക്കുക.
∙നോൺസ്റ്റിക് തവ ചൂടാക്കി, എണ്ണ ഒഴിച്ചു, പനീർ ചേർത്തു മെല്ലേ ഇളക്കി ഫ്രൈ ചെയ്യുക.
∙പകുതി വേവാകുമ്പോൾ സവാള ചേർത്തിളക്കുക.
∙സവാളയുടെ നിറം മാറി വരുമ്പോൾ വാങ്ങി സെർവിങ് ഡിഷിലേക്കു പകർന്നു വിളമ്പാവുന്നതാണ്.
∙വാങ്ങുന്നതിനു മുമ്പ് അര ചെറിയ സ്പൂൺ പൊടിച്ച പഞ്ചസാര ചേർത്താൽ കുട്ടികൾക്കും എരിവ് അധികം ഇഷ്ടമില്ലാത്തവർക്കും കൂടുതൽ രുചികരമാവുന്നതാണ്.