തേങ്ങാപ്പാൽ റൈസ്
1.നെയ്യ് – അൽപം
2.കറുവാപ്പട്ട, ഗ്രാമ്പൂ – പാകത്തിന്
ചുവന്നുള്ളി അരിഞ്ഞത് – പാകത്തിന്
3.പച്ചമുളക് – രണ്ട്
വെളുത്തുള്ളി – ആറ് അല്ലി
ഇഞ്ചി – ഒരു കഷണം
4.പെരുംജീരകം – ഒരു ചെറിയ സ്പൂൺ
5.ഗ്രീൻപീസ് – 100 ഗ്രാം
കാരറ്റ്, ബീൻസ് നീളത്തിൽ അരിഞ്ഞത് – രണ്ടും കൂടി ഒന്നരക്കപ്പ്
6.ബസ്മതി അരി – ഒരു കപ്പ്, വറുത്തത്
തേങ്ങാപ്പാൽ – ആറു കപ്പ്
ഉപ്പ് – പാകത്തിന്
7.സവാള – ഒന്ന്, നീളത്തിൽ അരിഞ്ഞത്
ഉണക്കമുന്തിരി, കശുവണ്ടിപ്പരിപ്പ് – പാകത്തിന്
പാകം ചെയ്യുന്ന വിധം
∙ഒരു പ്രഷര്ഡ കുക്കറിൽ നെയ്യ് ചൂടാക്കി രണ്ടാമത്തെ ചേരുവ വഴറ്റുക. ഇതിലേക്ക് മൂന്നാമത്തെ ചേരുവ ചതച്ചതു ചേർത്തു വഴറ്റണം. ഇളം ബ്രൗൺ നിറമാകുമ്പോൾ പെരുംജീരകം ചേർത്ത ശേഷം അഞ്ചാമത്തെ ചേരുവ ചേർത്തിളക്കണം.
∙ഇതിലേക്ക് ആറാമത്തെ ചേരുവ ചേർത്തിളക്കി കുക്കർ അടച്ചു വയ്ക്കുക. ആവി വന്ന ശേഷം വെയ്റ്റിട്ട് തീ കുറച്ച് 10 മിനിറ്റ് വേവിക്കുക.
∙വെന്ത ശേഷം മറ്റൊരു പാത്രത്തിലേക്കു മാറ്റി ഏഴാമത്തെ ചേരുവ വറുത്തതു മുകളിൽ വിതറി ചൂടോടെ വിളമ്പാം.