മാങ്ങാ മപ്പാസ്
1.അധികം പുളിയിലലാത്ത മാങ്ങ – രണ്ട്, അരിഞ്ഞത്
2.ചുവന്നുള്ളി – 10, അരിഞ്ഞത്
3.വെളിച്ചെണ്ണ – മൂന്നു വലിയ സ്പൂൺ
4.കടുക് – അര ചെറിയ സ്പൂൺ
കറിവേപ്പില – രണ്ടു തണ്ട്
5.മഞ്ഞൾപ്പൊടി – കാൽ ചെറിയ സ്പൂൺ
വെജിറ്റബിൾ മസാലപ്പൊടി – രണ്ടു വലിയ സ്പൂൺ
6.അര മുറി തേങ്ങയുടെ രണ്ടാം പാൽ – രണ്ടു കപ്പ്
ഉപ്പ് – പാകത്തിന്
7.അര മുറി തേങ്ങയുടെ ഒന്നാം പാൽ – ഒരു കപ്പ്
പാകം ചെയ്യുന്ന വിധം
∙വെളിച്ചെണ്ണ ചൂടാക്കി, കടുകും കറിവേപ്പിലയും മൂപ്പിക്കുക.
∙തീ കുറച്ചശേഷം ഇതിലേക്ക് മഞ്ഞൾപ്പൊടിയും മസാലപ്പൊടിയും ചേർത്തു വഴറ്റണം.
∙ഇതിലേക്കു തേങ്ങയുടെ രണ്ടാം പാലും ഉപ്പും ചേർത്തു തിളയ്ക്കുമ്പോൾ അരിഞ്ഞുവച്ചിരിക്കുന്ന മാങ്ങയും ചുവന്നുള്ളിയും ഉപ്പും ചേർത്തിളക്കുക.
∙മാങ്ങാ വെന്ത ശേഷം ( അധികം വെന്തു പോകരുത്) ഒന്നാം പാലും ചേർത്തിളക്കി ചൂടാകുമ്പോൾ വാങ്ങുക. തിളയ്ക്കരുത്.