മൂങ്ദാൽ മഖാനി
1.എണ്ണ – രണ്ടു വലിയ സ്പൂൺ
2.ജീരകം – ഒരു വലിയ സ്പൂൺ
3.സവാള – രണ്ട്, അരിഞ്ഞത്
4.ചെറുപയർ – രണ്ടു കപ്പ്, കുതിർത്തത്
5.ഉപ്പ് – പാകത്തിന്
കശ്മീരി മുളകുപൊടി – ഒന്നര വലിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
മല്ലിപ്പൊടി – ഒരു വലിയ സ്പൂൺ
വെള്ളം – പാകത്തിന്
6.വെണ്ണ – മൂന്നു വലിയ സ്പൂൺ
7.ജീരകം – ഒരു ചെറിയ സ്പൂൺ
ഏലയ്ക്ക – മൂന്ന്
ഗ്രാമ്പൂ – നാല്
വെളുത്തുള്ളി – 1–012 അല്ലി, ചതച്ചത്
ഇഞ്ചി – രണ്ടിഞ്ചു കഷണം, പൊടിയായി അരിഞ്ഞത്
8.സവാള – രണ്ട്, പൊടിയായി അരിഞ്ഞത്
ഉപ്പ് – പാകത്തിന്
9.കശ്മീരി മുളകുപൊടി – ഒരു ചെറിയ സ്പൂൺ
ജീരകംപൊടി – ഒരു ചെറിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
10.പച്ചമുളക് – നാല്, അരിഞ്ഞത്
കട്ടത്തൈര് – ഒരു കപ്പ്
വെള്ളം – പാകത്തിന്
11.കസൂരി മേത്തി – രണ്ടു വലിയ സ്പൂൺ
വെണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙പാനിൽ എണ്ണ ചൂടാക്കി ജീരകം വഴറ്റുക.
∙സവാള ചേർത്തു വഴറ്റി കുതിർത്ത ചെറുപയറും അഞ്ചാമത്തെ ചേരുവയും ചേർത്തിളക്കി മൂടി വച്ചു വേവിക്കുക.
∙മറ്റൊരു പാനിൽ വെണ്ണ ചൂടാക്കി ഏഴാമത്തെ ചേരുവ വഴറ്റണം.
∙സവാളയും പാകത്തിനുപ്പും ചേർത്തു വഴറ്റി ഗോൾഡൻ ബ്രൗൺ നിറമാകുമ്പോൾ പൊടിയകൾ ചേർത്തു വഴറ്റണം.
∙പച്ചമണം മാറുമ്പോൾ പത്താമത്തെ ചേരുവ ചേർത്തു വഴറ്റുക.
∙വേവിച്ചു വച്ചിരിക്കുന്ന ചെറുപയർ ചേർത്തിളക്കി മൂടി വച്ചു പത്തു മിനിറ്റു വേവിക്കുക.
∙കസൂരി മേത്തിയും വെണ്ണയും ചേർത്തിളക്കി വിളമ്പാം.
