പനീർ റോസ്റ്റ്
1.സവാള – രണ്ട്
പച്ചമുളക് – നാല്
വെളുത്തുള്ളി – നാല് അല്ലി
ഇഞ്ചി – ഒരു ചെറിയ കഷണം
2.വെളിച്ചെണ്ണ – ഒരു വലിയ സ്പൂൺ
3.മല്ലിപ്പൊടി – അര ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – ഒരു നുള്ള്
4.പനീർ ചെറിയ കഷണങ്ങളാക്കിയത് – 200 ഗ്രാം
ഉപ്പ്, വെള്ളം – പാകത്തിന്
5.തക്കാളി – രണ്ട്, പൊടിയായി അരിഞ്ഞത്
ഗരംമസാല – കാൽ ചെറിയ സ്പൂൺ
6.കറിവേപ്പില – ഒരു തണ്ട്
പാകം ചെയ്യുന്ന വിധം
∙ഒന്നാമത്തെ ചേരുവ കനം കുറച്ചരിഞ്ഞു ചൂടായ എണ്ണയിൽ ചേർത്തു നന്നായി വഴറ്റുക.
∙ഇതിലേക്ക് മല്ലിപ്പൊടി, മുളകുപൊടി, മഞ്ഞൾപ്പൊടി എന്നിവ ചേർത്തു നന്നായി വഴറ്റി യോജിപ്പിക്കണം.
∙മസാല മൂത്ത മണം വരുമ്പോൾ പനീറും കുറച്ച് വെള്ളവും ഉപ്പും ചേർത്തു വേവിക്കുക.
∙പനീർ വെന്തു വരുമ്പോൾ തക്കാളിയും ഗരം മസാലയും ചേർത്ത് അല്പ സമയം കൂടി വേവിക്കണം.
∙വെന്തു ചാറ് കുറുകുമ്പോൾ കറിവേപ്പില ചേർത്തു ചൂടോടെ വിളമ്പാം.
∙ചാറ് കൂടുതൽ കുറുകണമെങ്കിൽ തേങ്ങായുടെ ഒന്നാം പാലിൽ അണ്ടിപ്പരിപ്പ് അരച്ചു ചേർക്കാം.
