സ്വീറ്റ് & സവർ നാരങ്ങ അച്ചാർ
1.ചെറുനാരങ്ങ – 10
ഉപ്പ് – പാകത്തിന്
2.പിരിയൻ മുളക് – 100 ഗ്രാം
ഇഞ്ചി – മൂന്നിഞ്ചു കഷണം
വെളുത്തുള്ളി – 25 അല്ലി
കടുക് – ഒരു വലിയ സ്പൂൺ
ഉലുവ – ഒരു വലിയ സ്പൂൺ
3.വിനാഗിരി – അരക്കപ്പ്
4.നല്ലെണ്ണ – കാൽ കപ്പ്
5.പഞ്ചസാര – കാൽ കപ്പ്
വിനാഗിരി – കാൽ കപ്പ്
പാകം ചെയ്യുന്ന വിധം
നാരങ്ങ ഓരോന്നും നാലായി കീറി ഉപ്പും ചേർത്തിളക്കി വായു കടക്കാത്ത പാത്രത്തിലാക്കി ഒരു മാസം വയ്ക്കുക.
രണ്ടാമത്തെ ചേരുവ വിനാഗിരിയിൽ കുറച്ചു സമയം കുതിർത്തശേഷം മയത്തിൽ അരച്ചു വയ്ക്കുക.
ചീനച്ചട്ടി ചൂടാകുമ്പോൾ നല്ലെണ്ണ ചൂടാക്കി അടുപ്പിൽ നിന്നു വാങ്ങുക.
ഇതിലേക്കു പഞ്ചസാര കലക്കിയ വിനാഗിരി ചേർത്തിളക്കുക.
തയാറാക്കി വച്ചിരിക്കുന്ന നാരങ്ങയും ചേർത്തിളക്കി ആവശ്യമെങ്കിൽ ഉപ്പും പഞ്ചസാരയും വിനാഗിരിയും ചേർത്തിളക്കി ചൂടാറാൻ വയ്ക്കണം.
കുപ്പിയിലാക്കി ഒരാഴ്ചയ്ക്കുശേഷം ഉപയോഗിക്കാം.
