രാജ്മ കറി
1.രാജ്മ പയർ – ഒന്നേകാൽ കപ്പ്
2.എണ്ണ – രണ്ടു വലിയ സ്പൂൺ
3.ജീരകം – അര ചെറിയ സ്പൂൺ
4.സവാള കനം കുറച്ചരിഞ്ഞത് – ഒന്ന്
പച്ചമുളക് പൊടിയായി അരിഞ്ഞത് – ഒന്ന്
വെളുത്തുള്ളി ചതച്ചത് – രണ്ടല്ലി
ഇഞ്ചി – ഒരിഞ്ചു കഷണം
5.ജീരകപ്പൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
മുളകുപൊടി – അര ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഗരംമസാല – ഒരു ചെറിയ സ്പൂൺ
ഉപ്പ് – പാകത്തിന്
6.തക്കാളി പൊടിയായി അരിഞ്ഞത് – 400 ഗ്രാം
7.മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙രാജ്മ പത്തു മിനിറ്റ് തിളപ്പിച്ചശേഷം വെള്ളം ഊറ്റിക്കളയുക.
∙ഇതിലേക്ക് ഇരട്ടി വെള്ളം ചേർത്തു കുതിർത്തിടുക.
∙പിന്നീട് പ്രഷർ കുക്കറിൽ കുഴഞ്ഞുപോകാതെ വേവിച്ചെടുക്കണം.
∙എണ്ണ ചൂടാക്കി, ജീരകം പൊട്ടിച്ചശേഷം നാലാമത്തെ ചേരുവ ചേർത്തു വഴറ്റുക. സവാള ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു വഴറ്റണം.
∙പച്ചമണം മാറുമ്പോൾ തക്കാളി ചേർത്തു നന്നായി വഴറ്റുക. എണ്ണ തെളിയുമ്പോൾ വേവിച്ച രാജ്മയും മല്ലിയിലയും ചേർത്തിളക്കി10 മിനിറ്റ് വയ്ക്കുക.
∙വാങ്ങി, മല്ലിയില കൊണ്ട് അലങ്കരിച്ചു വിളമ്പുക.