ക്രിസ്മസ് കാലം ആഘോഷമാക്കാൻ വീടൊരുക്കാം പുത്തൻ സ്ൈറ്റലിൽ

കാട്ടിൽ നിന്നു വെട്ടിയെടുത്ത ചൂളമരക്കമ്പുകൊണ്ട് ക്രിസ്മസ് ട്രീ.. മുളങ്കമ്പുകൾ ചെത്തിമിനുക്കിയതുകൊണ്ടു വിവിധ വലുപ്പത്തിലുള്ള നക്ഷത്രങ്ങൾ.. പല ആകൃതിയിൽ വെട്ടിയെടുത്ത കളർതോരണങ്ങൾ.. നൂലിൽ കെട്ടിത്തൂക്കിയ ക്രിസ്മസ് കാർഡുകൾ... അങ്ങനെയും ഉണ്ടായിരുന്നു ഒരു ക്രിസ്മസ് കാലം...

ഇന്നിപ്പോള‍്‍ ക്രിസ്മസിന് ഒരു മാസം മുമ്പു തന്നെ കടകളിൽ ക്രിസ്മസ് അലങ്കാരങ്ങൾ കൺചിമ്മിത്തുടങ്ങുന്നു. കടയിൽ കാണുന്നവയെല്ലാം അപ്പാടെ വാങ്ങിക്കൂട്ടേണ്ട.. ആദ്യം നിശ്ചയിക്കേണ്ടത് ഏതു കളർ കോമ്പിനേഷനാണ് ഉപയോഗിക്കേണ്ടത് എന്നാണ്. ചുവപ്പും പച്ചയും നീലയും ഗോൾഡും സിൽവറും വെള്ളയുമെല്ലാം വലിച്ചുവാരി ഉപയോഗിക്കാതെ ഒന്നൊന്നിനോടു ചേരുന്ന നിറങ്ങൾ ഉപയോഗിക്കുക.

ചുവപ്പും പച്ചയും ഗോൾഡും നിറമാണ് അധികമായും ക്രിസ്മസ് തീം ആയി ഉപയോഗിക്കുന്നത്. ചുവപ്പിന്റെ കാഠിന്യം കുറയ്ക്കാൻ വെള്ളയും ഗോൾഡും തീം പരീക്ഷിക്കാം. തികച്ചും വ്യത്യസ്തമാകണം എന്നുണ്ടോ. എങ്കിൽ പരീക്ഷിക്കാം, നീലയും സിൽവറും വെള്ളയും കോർത്തിണക്കിയ കൂൾ കോമ്പിനേഷൻ..
ഉണ്ണിയേശുവിനെ വരവേൽക്കാൻ വീടൊരുക്കാം, കെങ്കേമമായി..