ചോക്‌ലെറ്റ് മണി ബാഗ്
1. ചോക്‌ലെറ്റ് – 200 ഗ്രാം
വെണ്ണ – ഒരു വലിയ സ്പൂൺ
2. മൈദ – രണ്ടു കപ്പ്
വനസ്പതി – ഒരു വലിയ സ്പൂൺ
ഉപ്പ് – പാകത്തിന്
3. ൈമദ – രണ്ടു വലിയ സ്പൂൺ
വെള്ളം – അൽപം
4. എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ചോക്‌ലെറ്റ് ഗ്രേറ്റ് ചെയ്തതും വെണ്ണയും ബൗളിൽ യോജിപ്പിച്ചു, ബൗൾ തിളയ്ക്കുന്ന വെള്ളത്തിനു മുകളിൽ പിടിച്ചു ചോക്‌ലെറ്റ് അലിയിച്ചെടുക്കുക.
∙ഇതു പരന്ന പാത്രത്തിലാക്കി ഫ്രിഡ്ജിൽ വച്ചു തണുപ്പിക്കുക. സെറ്റായശേഷം ചെറിയ കഷണങ്ങളായി മുറിച്ചു വയ്ക്കുക.
∙രണ്ടാമത്തെ ചേരുവ യോജിപ്പിച്ചു പാകത്തിനു വെള്ളം ചേർത്തു ചപ്പാത്തിക്കെന്നപോലെ കുഴച്ചു വയ്ക്കുക.
∙ഇനി കുഴച്ചു വച്ചിരിക്കുന്ന മൈദ ചെറിയ നെല്ലിക്കയുെട വലുപ്പത്തിൽ ഉരുട്ടി പൊടിതൂവിയ തട്ടിൽവച്ച് മൂന്നിഞ്ചു വട്ടത്തിൽ പൂരി പോലെ പരത്തി വയ്ക്കുക.
∙ഓരോ പൂരിയും എടുത്തു നടുവിൽ ഒരു കഷണം ചോക്‌ലെറ്റ് വച്ചു ചുറ്റിനും മൈദ കുഴച്ചതു തേച്ച ശേഷം വശങ്ങൾ മുകളിലേക്കു കൂട്ടിപ്പിടിച്ചു കിഴി പോലെയാക്കുക.
∙ ചൂടായ എണ്ണയിൽ വറുത്തു കോരി ചോക്‌ലെറ്റ് സോസിനൊപ്പം വിളമ്പുക.
