തേൻ... കേൾക്കുമ്പോൾ തന്നെ വായിൽ വെള്ളമൂറുന്നുണ്ട്... അല്ലേ.. ഈ തേൻ ആഹാരമായി മാത്രമല്ല ഗുണകരം... പിന്നെയോ... സൗന്ദര്യ സംരക്ഷണത്തിനും ഉഗ്രനാണ് ... ചില തേൻ പൊടികൈകൾ ഇതാ:
• ചർമത്തെ മോയിസ്ചറൈസ് ചെയ്യാനും ബ്ലാക്ക് , വൈറ്റ് ഹെഡ്സ് നീക്കി പുതു ജീവനേകാനും ത്വക്കിനെ ആഴത്തിൽ വൃത്തിയാക്കാനും തേൻ സഹായിക്കും.
• സൂര്യപ്രകാശമേറ്റുള്ള കരുവാളിപ്പ് മാറ്റുന്നതിനു ഇടുന്ന ഫെയ്സ് പായ്ക്കുകളിൽ തേൻ കൂടി ഉൾപ്പെടുത്തിയാൽ കൂടുതൽ ഫലം കിട്ടും.
• മുഖക്കുരു മാറ്റുന്നതിനും മുഖക്കുരുവിന്റെ പാടുകൾ മായ്ക്കുന്നതിനും തേൻ നല്ലതാണ്.
• പ്രായാധിക്യത്തെ തടയാൻ തേനു കഴിയും.
• തേൻ ആന്റിബാക്ടീരിയൽ ആണ്. വരണ്ട ചർമമുള്ളവർക്ക് വെജിറ്റബിൾ എണ്ണയോടൊപ്പമോ മോയിസ്ചറൈസിങ് ക്രീമിനൊപ്പമോ തേൻ കൂടി യോജിപ്പിച്ച് മുഖത്ത് തേയ്ക്കാം. എണ്ണമയമുള്ള ചർമമാണെങ്കിൽ നാരങ്ങാ നീരിനൊപ്പം തേൻ ചേർത്ത് പുരട്ടാം. ദിവസം പുരട്ടാം. 10 മിനിറ്റ് കഴിഞ്ഞ് കഴുകി കളയാം.
• തേൻ, റോസ് ടോണർ, നാരങ്ങാ നീര് എന്നിവ യോജിപ്പിച്ച് ചുണ്ടിൽ പുരട്ടുന്നത് ചുണ്ടിന്റെ കറുപ്പ് നിറം മാറാൻ സഹായിക്കും.
• കണ്ണിനു താഴെയുള്ള കറുപ്പുനിറം കുറയ്ക്കാനും തേൻ നല്ലതാണ്.
ഡോ. റീമ പത്മകുമാർ
തിരുവനന്തപുരം
