പേശികളെ ദൃഢമാക്കി മേൽവയർ കുറയ്‌ക്കാൻ ചെയ്യാം ഈ യോഗ; വിഡിയോ | pavanamukthasana

വയറിലെ പേശികൾ ദൃഢമാകുന്നതിനും മേൽവയർ കുറയ്‌ക്കാനും ‘പവനമുക്ത സർവാംഗാസനം.’

ചെയ്യേണ്ടത് ഇങ്ങനെ;

ഇരുകാലുകളും ചേർത്തുവച്ചു മലർന്നു കിടക്കുക. അതോടൊപ്പം കൈകൾ രണ്ടും ശരീരത്തിനിരുവശത്തും ചേർത്തു തറയിൽ കമഴ്ത്തിവയ്ക്കുക. ഈ നിലയിൽ സാവധാനം ശ്വാസമെടുത്തുകൊണ്ട് ഇരു കാലുകളും ശരീരവും തറയിൽ നിന്നുയർത്തുക. അതോടൊപ്പം ഇരു കൈകളുടെയും മുട്ടുകൾ തറയിലൂന്നി കൈപ്പത്തികളിൽ താങ്ങി ശരീരം ഉയർത്തിപ്പിടിക്കുക.

ഈ നിലയിൽ ശ്വാസം വിട്ടുകൊണ്ടു വലതു കാൽമുട്ടു മടക്കി മുട്ട് നെറ്റിയിൽ മുട്ടിക്കാൻ ശ്രമിക്കുക. ശ്വാസം എടുത്തു കൊണ്ട് ഉയർത്തുകയും ചെയ്യുക. ഇങ്ങനെ ഇരുകാലുകളും മാറി മാറി ചെയ്യേണ്ടതാണ്. അതിനുശേഷം രണ്ടു കാലുകളും ഒന്നിച്ചും ചെയ്യേണ്ടതാണ്. മൂന്നോ നാലോ തവണകൾ. ഇനി ശ്വാസമെടുത്തു കൊണ്ടു പൂർവസ്ഥിതിയെ പ്രാപിക്കുകയും ചെയ്യാം.

വിഡിയോ കാണാം;