വെഡ്ഡിങ് ഫൊട്ടോഗ്രഫിയുടെ പല തരം വെറൈറ്റികളും സോഷ്യല്‍മീഡിയയില്‍ വൈറലാകാറുണ്ട്. ആര്‍ക്കും ലഭിക്കാത്ത ആങ്കിളില്‍ ഏറ്റവും നല്ല ചിത്രം തന്നെ പകര്‍ത്താന്‍ ശ്രമിക്കുന്ന ഫൊട്ടോഗ്രഫര്‍മാരുടെ പലതരം പെടാപ്പാടുകളും നമ്മള്‍ കണ്ടുകാണും. എന്നാല്‍ ഫൊട്ടോഗ്രഫിയുടെ ഇത് പോലൊരു അവസ്ഥാന്തരം ഇതാദ്യായിട്ടാണെന്നു പറയുകയാണ് സോഷ്യല്‍മീഡിയ. ഒരു വിവാഹ ഫോട്ടോ എടുക്കാന്‍ തലകുത്തി മരത്തില്‍ തൂങ്ങിയാടുന്ന ഫൊട്ടോഗ്രഫറുടെ സാഹസികത കണ്ടാണ് ആളുകള്‍ ഇങ്ങനെ പറയുന്നത്.
മരത്തില്‍ തൂങ്ങി കിടന്ന് ഫോട്ടോ എടുക്കുന്ന വിഷ്ണു വൈറ്റ് റാമ്പ് എന്നയാളുടെ ചിത്രങ്ങള്‍ സോഷ്യല്‍ മീഡിയയില്‍ വൈറലാകുകയാണ്. എന്നാല്‍ ഫോട്ടോഗ്രാഫറുടെ ഈ കഷ്ടപ്പാട് വെറുതെയായില്ലെന്ന് ഏറെ വ്യത്യസ്തമായ ഫോട്ടോ കാണുന്ന ആരും പറയും എന്നതാണ് സത്യം.
