വാഷ് ബേസിന് തിരഞ്ഞെടുക്കുമ്പോൾ ശ്രദ്ധിക്കാൻ ഏറെയുണ്ട്. കുറച്ചു സ്ഥലവും കുറച്ചു പരിപാലനവും വേണ്ടി വരുന്നവ തെരഞ്ഞെടുക്കുന്നതാണ് പുതിയ ട്രെൻഡ്, വൃത്തിയാക്കാനുള്ള എളുപ്പത്തിനാണ് മുൻഗണന കൊടുക്കുന്നുണ്ട്.
∙ വാഷ്ബേസിനിൽ സെൻസർ ടാപ്പ് ഉപയോഗിച്ചാൽ വെള്ളത്തിന്റെ ഉപയോഗം നിയന്ത്രിക്കാൻ സാധിക്കും. സെൻസർ ടാപ്പിന് ചെറിയ തോതിൽ വൈദ്യുതി വേണ്ടതിനാൽ വാഷ് ബേസിനടിയിൽ പ്ലഗ് പോയിന്റ് നൽകുന്നത് നല്ലതാണ്. അല്ലെങ്കിൽ സെൻസർ ടാപ്പ് എപ്പോഴും ബാറ്ററിയിൽ പ്രവർത്തിപ്പിക്കേണ്ടി വരും.
∙ ടേബിൾടോപ് വാഷ് ബേസിനുകളാണ് ഇപ്പോൾ ട്രെൻഡ്. ഭംഗിയുള്ള കൗണ്ടർടോപ് നൽകി അവിടെ ക്യൂരിയോസ് വച്ച് മനോഹരമാക്കാം എന്നതാണ് ഇതിന്റെ ഗുണം. മാത്രമല്ല, കൗണ്ടർടോപ്പിനു താഴെ സ്റ്റോറേജ് നൽകി ഹാൻഡ്വാഷും ടവലുകളും സൂക്ഷിക്കാം.
∙ വാഷ് ബേസിനുകളിൽ പലപ്പോഴും ഹൈ ഫ്ലോ മികസ്റുകൾ ഉപയോഗിക്കുന്നതായി കാണാറുണ്ട്. ഉയർന്ന മർദത്തിൽ പ്രവർത്തിക്കുമ്പോൾ ഈ ഉപകരണങ്ങൾ ആവശ്യത്തിലധികം വെള്ളം പാഴാക്കികളയുന്നതായാണ് കാണപ്പെടുന്നത്. ഇവയിലും ഫ്ലോ റസ്ട്രിക്ടർ ഘടിപ്പിക്കാം.
∙ വെള്ളം വീണാലും കേടാകാത്ത മെറ്റീരിയൽ കൊണ്ടു വേണം കൗണ്ടർ വാഷ്ബേസിന്റെ വാതിൽ പണിയാൻ. വാഷ്ബേസിന്റെ പൈപ്പുകളിൽ ചോർച്ചയുണ്ടായാൽ കാബിന്റെ ഉള്ളിൽ വച്ചിരിക്കുന്ന സാധനങ്ങൾ നനയാത്ത വിധത്തിൽ പൈപ്പ് പോകാൻ ഒരു അറയുണ്ടാക്കിയാൽ നന്നായിരിക്കും.
∙ സെറാമിക് ബേസിനുകൾ, സിൽവർ, ഗോൾഡ് എന്നിങ്ങനെ പല നിറത്തിലുള്ള ക്രോം പ്ലേറ്റഡ് ബേസിനുകൾ, മാർബിൾ, ഗ്രാനൈറ്റ് പോലെയുള്ള പ്രകൃതിദത്ത കല്ലുകൾ കൊണ്ടുള്ള സ്റ്റോൺ ബേസിനുകൾ, ഗ്ലാസ് ബേസിനുകൾ എന്നിവയാണുള്ളത്. പ്രകൃതിദത്ത കല്ലുകൾ കൊണ്ടുള്ള ബേസിനുകൾ ആന്റിക്, ക്ലാസിക് ശൈലിയിലുള്ള ബാത്റൂമുകളിലേക്ക് യോജിക്കും.