വില്ലനായും സഹനടനായും ഒടുവിൽ കൊമേഡിയനായും തിളങ്ങിയ നടനാണ് രാജൻ പി ദേവ്. ഈ അനശ്വര നടന്റെ പേര് കാത്തുസൂക്ഷിക്കാൻ മറ്റൊരു നടനെത്തി. ഉണ്ണി രാജൻ പി ദേവാണ് അച്ഛന്റെ പാത പിന്തുടർന്ന് കൊണ്ട് അഭിനയലോകത്ത് ചുവടുറപ്പിച്ചിരിക്കുന്നത്.
’ആട് ഒരു ഭീകരജീവിയാണ്’ എന്ന ചിത്രത്തിൽ ബാസ്റ്റിൻ എന്ന കഥാപാത്രമായാണ് ഉണ്ണി ശ്രദ്ധിക്കപ്പെട്ടു തുടങ്ങുന്നത്. ’രക്ഷാധികാരി ബൈജു’വിൽ കിടിലൻ പ്രകടനം കാഴ്ചവച്ചു. ഇപ്പോൾ പദ്മരാജന്റെ മകൻ അനന്തപത്മനാഭൻ തിരക്കഥയെഴുതിയ ’കാറ്റി’ൽ അച്ഛന് തുല്യമായ പ്രകടനം നടത്തിയിരിക്കുകയാണ് താരം.
ഉണ്ണിയുടെ കരിയറിലെ ഏറ്റവും മികച്ച പ്രകടനമാണ് ’കാറ്റി’ൽ. ആസിഫ് അലി, മുരളി ഗോപി എന്നിവർക്കൊപ്പം അഭിനയ പ്രാധാന്യമുള്ള വേഷത്തിലാണ് ഉണ്ണി ചിത്രത്തിലെത്തുന്നത്.