21 വയസുകാരൻ 28 വയസുള്ള പെണ്ണിനെ പ്രണയിച്ചാൽ എങ്ങനെയിരിക്കും? (വിഡിയോ) | Bobby Malayalam Movie

നടനും നിർമ്മാതാവുമായ മണിയന്‍ പിള്ള രാജുവിന്റെ മകന്‍ നിരഞ്ജ് ആദ്യമായി നായകനായി എത്തുന്ന ചിത്രം ’ബോബി’യുടെ ട്രെയിലര്‍ പുറത്തിറങ്ങി. 21 വയസുകാരനായ യുവാവ് 28 വയസുള്ള പെൺകുട്ടിയെ പ്രണയിക്കുന്നതും തുടർന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ പ്രമേയം. മിയയാണ് ചിത്രത്തിലെ നായിക. അജു വർഗീസ്, ധര്‍മജൻ, സുധീര്‍ കരമന തുടങ്ങിയവർ മറ്റു പ്രധാന വേഷങ്ങളിലെത്തുന്നു.

സുഹ്റ എന്റർടെയ്ൻമെൻറ്സിന്റെ ബാനറിൽ സഗീർ ഹൈദ്രോസ് നിർമ്മിക്കുന്ന സിനിമയുടെ സംവിധാനം നിർവഹിച്ചിരിക്കുന്നത് ഷെബിയാണ്. കഥയും തിരക്കഥയും ഷെബിയുടേതാണ്. സംഭാഷണം- വി ആർ ബാലഗോപാൽ, തോമസ് ചാക്കോ. ചായാഗ്രഹണം- പ്രശാന്ത് കൃഷ്ണ. എഡിറ്റിംഗ്- ബാബുരത്നം. ചിത്രത്തിൽ എസ് രമേശൻ നായർ, ഹരി നാരായണൻ എന്നിവരുടെ വരികൾക്ക് റോണി റാഫേലും ദേവിക മുരളിയും ഈണം നൽകിയിരിക്കുന്നു. വിഡിയോ കാണാം;