‘ജീവിതത്തിൽ എല്ലാം നഷ്ടപ്പെട്ടു എന്ന് തോന്നിയ, ദൈവം ഇല്ല എന്ന് തോന്നിയ നിമിഷം...’! ഹൃദയം നൊന്ത് വീണാ നായരുടെ കുറിപ്പ്

അമ്മയെക്കുറിച്ച് ഹൃദയത്തിൽ തൊടുന്ന കുറിപ്പുമായി മലയാളത്തിന്റെ പ്രിയ ടെലിവിഷൻ – സിനിമാ താരം വീണാ നായർ. വെള്ളിമൂങ്ങയിലെ പഞ്ചായത്ത് പ്രസിഡന്റായി തിളങ്ങിയ വീണ സോഷ്യൽ മീഡിയയിൽ സജീവമാണ്.

‘6 വർഷങ്ങൾ മുന്നേ ഈ സമയം ഈ ദിവസം, ജീവിതത്തിൽ എല്ലാം നഷ്ട്ടപെട്ടു എന്ന് തോന്നിയ, ദൈവം ഇല്ല എന്ന് തോന്നിയ നിമിഷം. 16 ദിവസങ്ങൾ വെന്റിലേറ്ററിൽ കഴിഞ്ഞ്, എന്നെന്നേക്കുമായി എന്റെ അമ്മ എന്നെ വിട്ടു പോയ ദിവസം. ഒന്ന് കരയാൻ പോലും പറ്റാതെ, ചുറ്റിനും സംഭവിക്കുന്നത് ഒന്നും മനസിലാവാതെ അച്ഛന്റെ മനസ് തളരരുത് എന്ന പ്രാർഥനയോടെ കരയാതെ അടക്കിപ്പിടിച്ചു നിന്ന സമയം.... എന്താ സംഭവിച്ചത് എന്ന് ഇപ്പളും മനസിലായിട്ടില്ല.....ജീവിതത്തിൽ സന്തോഷം വന്നാലും സങ്കടം വന്നാലും എന്റെ അമ്മയും അച്ഛനും ഇതൊന്നും കാണാനില്ല എന്ന വിഷമം......... അമ്മേ... കൂടുള്ളപ്പം അറിഞ്ഞില്ല അമ്മയുടെ വില. ഒരുപാടു സമയങ്ങളിൽ അമ്മ വേണായിരുന്നു ഒപ്പം എന്ന് തോന്നിയ സമയം ഉണ്ടായി. എങ്കിലും അമ്മ സന്തോഷിക്കുന്നുണ്ടാവും ഏറ്റവും നല്ല അമ്മയെ (സുമാമ്മ)ഏല്പിച്ചിട്ടാ എന്റെ അമ്മ പോയത്..... അമ്മേ ഒരുവട്ടം കൂടെ ഒന്ന് കാണാൻ പറ്റിയിരുന്നേൽ.... മിസ് യൂ അമ്മേ....’.– വീണ കുറിച്ചു.