കോവിഡ് പ്രതിസന്ധിയെത്തുടർന്ന് ദീർഘകാലമായി അടഞ്ഞു കിടന്ന കേരളത്തിലെ തിയറ്ററുകൾ ഇന്നു മുതല് വീണ്ടും തുറന്നു പ്രവർത്തിക്കുവാൻ തുടങ്ങിയതിന്റെ സന്തോഷം പങ്കുവച്ച് നടൻ ദിലീപ്. വിജയ് നായകനായ തമിഴ് ചിത്രം മാസ്റ്റർ ആണ് കേരളത്തിൽ ഇന്നുമുതൽ പ്രദർശനത്തിനെത്തിയത്.
‘‘മലയാള സിനിമയ്ക്ക് ഇന്ന് ചരിത്രപരമായ ഒരു ദിവസമാണ്, ജനുവരി 13. നിശ്ചലമായി കിടന്ന കേരളത്തിലെ തീയ്യേറ്ററുകളിൽ സിനിമ വീണ്ടും ചലിച്ചു തുടങ്ങുന്ന ദിവസം. ഇനിയങ്ങോട്ട് ശാന്ത സുന്ദരമായ അന്തരീക്ഷത്തിൽ ഗംഭീര സിനിമകളുമായി നമുക്ക് മുന്നോട്ടു പോകാൻ സാധിക്കട്ടെയെന്ന് പ്രാർഥിക്കുന്നു. അതിനു തുടക്കം കുറിച്ച ദളപതി വിജയ് യുടെ ‘മാസ്റ്ററിന്’ എല്ലാവിധ ആശംസകളും. മലയാള സിനിമയിലെ താരങ്ങളും ടെക്നീഷ്യൻസും കുടുംബത്തോടൊപ്പം തീയ്യേറ്ററുകളിൽ വന്നു സിനിമ കാണുക. നമ്മുടെ പ്രിയപ്പെട്ട പ്രേക്ഷകർക്ക് ഒരാവേശമേകാൻ’’.– ദിലീപ് ഫെയ്സ്ബുക്കിൽ കുറിച്ചു.